زبانحال حضرت رقیه سلام الله علیها در خرابه شام
.
✍️ #زبدةالاشعار ✍️
.
🆔: @nohe_torki
.
محمد هدایتی تبریزی
.
غم منزل ایدیبدیر ئوزونه سینم ایوینده
منده ایلدیم منزل و مأویٰ غم ایوینده
.
عمّه بو ایوین محنت و دردی منی یوردی
اودلی نفسم آتش اوتورموش دم ایوینده
.
گوزیاشی گوزومدن نقدر صورته آخسین
گویا اوتوروب گوز بولاغی زمزم ایوینده
.
همدم منه ایندی بو یانان سینه ده غمدی
همدم اوتورار همدمنین کم کم ایوینده
.
گوزیاشی گوزومدن سوزولور عارض زرده
سولموش گل ئوزومده اوتورور شبنم ایوینده
.
اولما بابامی عمّه عدو بیزدن آیرمش
بنده چکلیب ظلموله نامحرم ایوینده
.
امواج بلا موج وورور غرق ملالم
یوخ فُلک نجات ایندی بوغوللام غم ابوبنده
.
عیسی نفس اکبر هارا گئتدی سنه قربان
گلمیر گوره لیلاسی اونو مریم ایوینده
.
عمّه بو خرابه یره یوخ منده علاقه
عیب ایلمه گوزیاشی اگر توکسم ایوینده
.
گویلوم بابامی ایستیری ، دل تنگه دوشوبدی
گلسه منی گورماخلقا دنجلّم ایوینده
.
بوسه ایلسه لبلریمی گل کیمی گوللم
خندان لبیله گوزلره گورسنّم ایوینده
.
امّا نیه گلمیر منیده فکره سالیبدی
دائم اوتوراردی سنیله باهم ایوینده
.
بیر گون واریدی بیزده وطنده دولاناردیخ
گه مهمان ابوالفضل عمو، گه عمّه م ایوینده
.
گه اکبریله سیره چخیب باغی گزردیم
گویلوم آچلاردی اولالی غصّه م ایوینده
.
ایندی نیه ویرانه نشین اولموشوخ عمّه
یاز ابری کیمی غصّه لی یق دولموشوخ عمّه
.
بو شامده خوش گون بیزه بیز خوش گونه حسرت
بیجا یره ایلیر هره بیر نوع اذیّت
.
بعضی سی تماشایه گلیر شاد و خرامان
بعضی سی تمسخرله ایدیر طعن و شماتت
.
بعضی سی دئیر خارجی سیز، فاسد عقیده ز
بعضی سی بیزی سبّ ائلییر، ایلیری لعنت
.
آخر نه گناه اوسته چکلدیخ ایپه عمّه
شام اهلی ندن بیزلری ایلیرله ملامت
.
گلسه باباما شرح ایدرم درد و غمیمدن
شامین ستمندن ایدرم عرض شکایت
.
قورخوم بودی عمروم قوتارا گلمیه اکبر
حسرت چخا جانیم ئورگیمده قالا حسرت
.
ایوای منه واردور نه بابام نه علی اکبر
ایوای منه الله نه چتندی غم غربت
.
ایوای بو خرابه یئری گتدی منی تنگه
صبرین ایوی ویرانه اولوب قالمادب طاقت
.
آخر بو نجه ایودی کی یوخ فرش و چراغی
آی شمع شبستاندی بیزه ، فرشدی تربت
.
شانشاندی ئورک زلفومی شانه ایدنیم یوخ
یئل شانه وورور زلفومه یوخ شانیه حاجت
.
بختیم منه یار اولسا قوتارّام بو محندن
زلفوم یوولار قسمت اگر اولسا سعادت
.
چوخ چکمه دی اقبال اوجالیب سوز یئرین آلدی
ویرانیه گلدی سر سلطان ولایت
.
گوردی بابانین قانلی باشین حالی دولاندی
عرض ایلدی خوش گلمیسن ای پیر طریقت
.
بیلدین کی رقیّه داریخیب دیدینه گلدین
به به نه سعادتدی اولوبدور منه قسمت
.
ظاهر اجل آثاری اولوب منده گلیبسن؟
یا کی گلجاخ شیر خدا سنده گلیبسن ؟
.
گلدین ایده سن یاخشی عیادت من زاری
آچ قانلی گوزون رؤیت ایله باخ منه باری
.
چوخ مایلدیم گل ئوزووی بیرده گوریدیم
قلبیم سنه وابسته دی میلیم سنه ساری
.
یاخ گور قزوی چرخ زمان نه حالا سالمش
زیبا زریدی قدری گیدیب سندی عیاری
.
بابا دی گوروم کیم باشوی کسدی قفادن
کیم ایتدی من غمزده نین اشکینی جاری
.
کیم قانوی توکدی سنی ذبح ایلدی عطشان
کیم باغلادی بو دیدهٔ حق بین و خماری
.
آلننداکی داش یاره سنی کیم سنه ووردی
اود ووردی منیم قلبیمه بو ضربت کاری
.
یاندیم ، دوداقندا یارادی ، وای منه بابا
گئتدی ئورگندن قزوین صبر و قراری
.
قان اولدی ئورک قانلی دوداقلاروی گوردوم
ئولدوم ، منی درک ایله بو ساعت سنی تاری
.
گل بیر ئوپوشاخ ، سن یارالی منده یارالی
بو آخر عمرمده چاتیم مقصده باری
.
ترپتمه دوداقون قوی ئوپوم قانلی لبندن
اولسون آز اولا لبلریوه بوسه فشاری
.
چوخ اولسا فشاری لبوین قانی دایانماز
آلقانه باتیب لبلریوین گوشه کناری
.
بیر بوسیه قربان ایدرم من سنه جانی
جاندیر اولانیم ، قیمت بوسندی یوخاری
.
بلبل گلون اوستونده دؤزر زحمت خاره
گلده چکر آغوشنه جان مثلی هزاری
.
شرح ایلدی دردین ، دوداقین ئوپدی یخلدی
جان وئردی قوتاردی ئوزونی خسته قناری
.
قورتاردی رقیّه ولی زینب غمه قالدی
کیم قازدی (هدایت) او قزا غملی مزاری؟
.
#حضرت_رقیه_شهادت #هدایت_تبریزی
#غم_منزل_ایدیبدیر_ئوزونه_سینم_ایوینده
#ترکی
.
✍️ #زبدةالاشعار ✍️
.
🆔: @nohe_torki
نظر دهید