زبانحال رقیه خاتون در خرابه شام
.
✍️ #زبدةالاشعار ✍️
.
🆔: @nohe_torki
.
مرحوم تائب تبریزی
.
فاش ایلدی جفاسینی چرخ کهن منه
شایسته بو خرابه نی بولدی وطن منه
.
غربت خرابه کنجی اورکده فراق اودی
هر لحظه یوز ویروب غم و درد و محن منه
.
شام اهلی باخموری که منیم قلبیم اودلانوب
دائم شماتت ایلوری هر بیر یتن منه
.
ظلمیله شمر سلسله بند ایلیوب منی
آزار ایدور قولومدا کی بند رسن منه
.
بیر بلبلم ستمله سولوب گلشنیم منیم
ویرانه کنجی ایمدی اولوبدور چمن منه
.
شهزاده ام گیدوبدی زر و زیوریم منیم
اولموش گوزوم سرشگی عتیق یمن منه
.
پیغمبر اهل بیتیَم اعدا بوله بوله
طعنیله خارجی دیوری هر گورن مئه
.
اولدوم صغیر سنیله هر محنته دچار
چوخدور بو شام شومده طعن ایلین منه
.
قلبی منیم تک هیچ قزین ای عمّه یانمیوب
اولماز نظیر بیرجه مصیبت چکن منه
.
قلبی یانان یتیمه قزام دائم آغلارام
اولموش خرابه گوشه سی بیت الحزن منه
.
غمدن دونوبدی شامه گونوم گولمیوب یوزوم
واردور یری دیسونله یوزی گولمین منه
.
دائم قالوب یر اوسته یوزوم یولدادور گوزوم
ویرانه یرده یوخ خبر خوش ویرن منه
.
گوگلوم چوخ ایستوری بابامی عمّه قیل علاج
بار گران دی فرقت شاه زمن منه
.
قلبیم یانور ایدنده نوا شیونیله من
هر دم وصالینی ویروسن وعده سن منه
.
هی سویلون سفرده بابام بس هاچان گلور
چوخ باعلاقه دور او شه ممتحن منه
.
ایستکلیم بابامه بولورسن اوزون بی بی
چوخ باعلاقه دی او شه ممتحن منه
.
علت ندور بو یرده منی یاده سالموری
گلمور محبت ایتموری اول مؤتمن منه
.
یتسم وصالینه ویرَرَم مژده جانیمی
عشّاق تا که سویلیه جاندان گیچن منه
.
روحیم چوخ اینجییب داخی من جانه دویموشام
بوندان صورا نه لازمه دور جان و تن منه
.
گیرم بابام سفرده دی بس هاردا اكبریم
یوخدور اونون گلن یولونی گوسترن منه
.
بی حدّ گوگلوم ایستوری قارداشیم اکبری
مدّتی یوخ سراغ او مه پاره دن منه
.
ایستکلی قارداشیمدی اودور آختارار گوزوم
ویرمز له بیر خبر نه گلن نه گیدن منه
.
ویرانه دور اگرچه یریم گلسه قارداشیم
جنت اولار بوگوشۀ بیت الحزن منه
.
چرخ ایسترم اونی اودا چوخ چوخ سُوَر منی
چوخ مهرباندی عمّه او گل پیرهن منه
.
علت ندور سالوب نظریندن رقیّه نی
بیر بیله کم علاقه دی بیلمم ندن منه
.
ئولسم بو یرده غسلیمی ویر اشگویله سن
اوز کوینگیمی ایتگله عمّه کنن منه
.
تائب توكر عذاره سرشگ زلالینی
نوحه دیر او شاعر شیرین سخن منه
.
غرق گناه دور یخلوب آستانوه
سویلر شفاعت ایله قیامتده سن منه
.
.
#حضرت_رقیه_تائب_تبریزی
#حضرت_رقیه_شهادت
#فاش_ایلدی_جفاسینی_چرخ_کهن_منه
#ترکی
.
✍️ #زبدةالاشعار ✍️
.
🆔: @nohe_torki
نظر دهید