فاطمه بنت الاسدن عالمه رهبرگلوب #حیدریه_عدلی_تبریزی

میلاد حضرت علی علیه السلام
.
✍️ #زبدةالاشعار ✍️
.
🆔: @nohe_torki
.
حاج اصغر فرشچی ( عدلی تبریزی)
.
.
فاطمه بنت الاسدن عالمه رهبرگلوب
کعبه دن باش ویردی نوری بیر مه انور گلوب
.
کر:
گلدی ، حیدر ، حسن حسینون آتاسی
گلدی ، صفدر ، کل جهانون آقاسی
.
.
.
ذاتی اقدس شأنی ارفع نام اعلاسی گوزل
جلوه گردی نورحقدن دینه زیب و فر گلوب
.
مرتضی و بوتراب و حیدر و صفدرعلی
آد قویان خلاق رحمان عرشینه لنگر گلوب
.
سینه سی سینای عشق و قامتی طوبای عشق
رو خجل شمس و قمردی تابناک اختر گلوب
.
لافتی الّاعلی لا سیف الّا ذوالفقار
بو سوزی آلله بویوردی عالمه سرور گلوب
.
تا دوغولدی کعبه ده تاپدی شرف بیت الحرام
قهرمان دوغدی آناسی مادره دلبرگلوب
.
حب عشقیندن پیاپی ساقیا دولدور ایچاخ
بت لاری سیندیر ماقا بیر بت شکن حیدر گلوب
.
اهل سنت باور ایتمور وار الیمده چوخ دلیل
خاتم پیغمبرانه بو گجه یاور گلوب
.
بو وصّیِ مصطفی دور هم امیرالمؤمنین
فخرعالم شیر هیجا فاتح خیبرگلوب
.
شیعه چشمون روشن اولسون دین و قران حفظینه
کوراولا دشمن گوزی بیر حافظ اکبر گلوب
.
ای ضعیفان عدل خواهان مژده اولسون سیزلره
رکن ایمان متن قرآن عدل ایدن داور گلوب
.
اللری مشکل گشادی سسله سه کیم یا علی
نا امید ایتمز آقادی یرلره زیور گلوب
.
بو طبیب درد آشنادی معدن فضل و کرم
قاسم و ناربهشت و شافع محشر گلوب
.
سیزده ماه رجب ده قسمت اولدی کعبه نی
گوردون اوپدون (عدلی) بولدون اول یره کوثر گلوب
.
.
#سبک_اذن_ویر_یارب_گله …
.
#حیدریه_میلادیه
#فاطمه_بنت_الاسدن_عالمه_رهبر_گلوب
#عدلی_تبریزی
#ترکی
.
✍️ #زبدةالاشعار ✍️
.
🆔: @nohe_torki