دئنن یازهرا
.
✍️ زبدة الاشعار ✍️
.
🆔: @nohe_torki
.
#رمضانی_خاکی
.
فاطمه شمس هدایتدی دئنن یازهرا
مشعل راه سعادتدی دئنن یازهرا
مه اسپهر شرافتدی دئنن یازهرا
در دریای جلالتدی دئنن یازهرا
نقدر فاطمه آدلی گله بو دنیایه
چاتماز آلاهه قسم مرتبه سی زهرایه
.
.
اوزی تندیس وجاهتدی دئنن یازهرا
قلبی کانون محبتدی دئنن یازهرا
کان احسان و کرامتدی دئنن یازهرا
مختصر باخسا کفایتدی دئنن یازهرا
قره تپراقه اوخاتون جهان سالسا نظر
نظر مرحمتی خاک سیاهی زر ائدر
.
.
باباسی ختم رسالتدی دئنن یازهرا
همسری شاه ولایتدی دئنن یازهرا
اوزی دریای سخاوتدی دئنن یازهرا
بو خانیم کان عطوفتدی دئنن یازهرا
بذل و بخشش قاتیب آلله بونون آب و گلینه
چیخادوب طوی لباسین بذل ائلدی سائلینه
.
.
فاطمه زینت خلقتدی دئنن یازهرا
عالم و آدمه عزتدی دئنن یازهرا
حامی دین و شریعتدی دئنن یازهرا
افتخار بشریتدی دئنن یازهرا
قویوب حیرتده سلیمانیده جاه و حشمی
سرمه ی چشم ملائکدی غبار قدمی
.
.
الگوی عصمت و عفتدی دئنن یازهرا
دخت پیغمبر رحمتدی دئنن یازهرا
شافع روز قیامتدی دئنن یازهرا
تانفس واردی غنیمتدی دئنن یازهرا
اوندا کی وحشتیلن قبریده تنها یاتاجاق
اوزگه یوخ دادیمیزه حضرت زهرا چاتاجاق
.
.
عرش اعلاده ملکلرده دیور یازهرا
دل دریاده سمکلرده دیور یازهرا
صحن گلشنده چیچکلرده دیور یازهرا
یدی گوی یدی فلکلر ده دیور یازهرا
نه فقط مهدی قائم چاغورور زهرانی
دادینه جمله عوالم چاغورور زهرانی
.
.
خلقت اهل سماواته هدف فاطمه دی
در پر قیمت تقوایه صدف فاطمه دی
ایکی دنیایه اولان عزو شرف فاطمه دی
همسر محترم شاه نجف فاطمه دی
بیر خانیمدی بو خانیم نور دوعینون آناسی
عالمین فخرو مباهاتی حسینون آناسی
.
.
ایکی دنیا یارانوب حضرت طاهایه گوره
یعنی اول پادشه وادی بطهایه گوره
مصطفی ختم نبی رهبر والایه گوره
خلق اولوبدی اوزی طاها ولی زهرایه گوره
بوسوزی من دئمورم خالق افلاک دیور
مدح زهراده خداوند اوزی لولاک دیور
.
.
#فاطمیه_مدح
#فاطمه_شمس_هدایتدی_دئنن_یازهرا
#ترکی
.
✍️ #زبدةالاشعار ✍️
.
🆔: @nohe_torki
نظر دهید