مدح حضرت زهرا (س)
.
✍️ #زبدةالاشعار ✍️
.
🆔: @nohe_torki
.
#رمضانی_خاکی
.
فاطمه شه بانوی ملک حجاز
بنده ی ممتاز حق بی نیاز
خالق یکتادن آلان امتیاز
بانوی عالی نصب و سرفراز
شاهه ائدن نوکر درگاهی ناز
دفتره ای خامه صراحتله یاز
مایه مجد و عظمت عالمه
فاطمه دی فاطمه دی فاطمه (2)
.
.
.
اوز اوزومه بیر گجه بیله دئدیم
فاطمه نی من نجه تعریف ائدیم
چاره دالیجا هارا آیا گئدیم
ساکت اوتوردوم غم و غصه یدیم
عجز تمامیله دوروب نصف شب
اوزکرمیندن مدد ائتدیم طلب
مایه مجد و …
.
.
.
طایر طبعیم گنه ده آچدی پر
هر یره وهم عالمی ائتدی سفر
دارفنا نی دولانوب سر به سر
تاپمادی زهرایه مثل بیر نفر
خلق اگر اولمیدی بو نور جلی
کیمسه یوخیدی اولا کفو علی
مایه مجد و …
.
.
.
دوزدی یاراندی کره خاکیده
چوخدی مریدی ولی افلاکیده
وصفی سیخیشماز هامی ادراکیده
مدح ائدوب آلله اونی لولاکیده
یوخ بو جلال و عظمتده بشر
کم گلر اوصافینه گل واژه لر
مایه مجد و …
.
.
.
برج حیا و شرفین اولدوزی
سفره اجلال و جلالت دوزی
احمد مختارین عفیفه قیزی
هیکل تقوا، سوزی آلله سوزی
گوهر گنج ادب و احترام
مادر فرزانه اون بیر امام
مایه مجد و …
.
.
.
فاطمه گور شیعه نه طوفان ائدوب
معجری عالملری حیران ائدوب
قوم یهودینی مسلمان ائدوب
طوی لباسین سائله احسان ائدوب
واضح و روشن دیون عالم بیله
درگهینه کیم گلوب آلدی صله
مایه مجد و …
.
.
.
واجبیدی ام ابیها دییه
فخریله زهرایه فداها دییه
دمبدم هر سوز باشی زهرا دییه
مرتبه سین هامیدان اعلا دییه
هانسی رسوله بئله دختر گلوب
هانسی قیزین شانینه کوثر گلوب
مایه مجد و …
.
.
.
آدینه فخر ایلییر آل خلیل
فاطمه دی خلقت دهره دلیل
خاک قدومیندن ئوپر جبرئیل
خادم درباریدی حورو ملک
خالق یکتایه قسم تکدی تک
مایه مجد و …
.
.
.
ایستییورم کار ثوابین دییم
خوب و بدین حدو حسابین دییم
مطلبین عالملره نابین دییم
مادر ساداتین حجابین دییم
بی سبب ئوپموردی نبی اللرین
کور کیشیدن ائتدی نهان پیکرین
مایه مجد و …
.
.
.
تاج گرانمایه سیدی مریمین
آلدی مسیحا، نفسیندن دمین
سردر کاشانیه ویر پرچمین
دردینه درمان ائلیر عالمین
دست کریمینده یقین وار شفا
فاطمه دن دردوه ایسته دوا
مایه مجد و …
.
.
.
شامل هاچان اولدی بوفیض هاجره
اوغلونونی قربان ائلیه داوره
باخ نوه ی فاطمه اطهر ه
یعنی گوزللر گوزلی اکبره
عشق شهادتله اوسیمین بدن
فوری زره آلتینا گیدی کفن
مایه مجد و …
.
.
.
یاده دوشنده محنی گوز دولار
ریشه صبری هر اورکدن یولار
گلشن و گلزار طراوت سولار
بزم عزاسینده سنه لطف اولار
اولسا گوزون فاطمیه اشک ریز
(خاکی )اولارسان ایکی دنیا عزیز
مایه مجد و …
.
.
.
#فاطمیه_مدح
#فاطمه_شه_بانوی_ملک_حجاز
#ترکی
.
✍️ #زبدةالاشعار ✍️
.
🆔: @nohe_torki
نظر دهید