استقبال از زائر کعبه
.
✍️ زبدة الاشعار ✍️
?: @nohe_torki
.
میرزا محسن محمدی هشترودی
.
فدا جلالوزه ای مکه دن گلن حاجیلار
نه جور وادع ائلدور سیز مدینه ن حاجیلار
.
.
دلوزده یاد ائلیوبسوز خدای قهّاری
خوش حالوزه که اولوبسوز مدینه زوّاری
گئدنده یثربه گوردوز او غملی آثاری
سلام ائدر اولارا هر گلوب گئدن حاجیلار
.
.
اورکده آه دایاندوز بقیع کنارینده
آخوردی گوزده کی یاش چوخلارین عذارینده
یاتوبدی تپراق و توز امام حسن مزارینده
او قاره باش داشینی یوخدی هئچ اؤپن حاجیلار
.
.
الی اورکده اولوبسوز او یرده آماده
دایاندی زائر یثرب همان او اثناده
سلام ایله موسوز سیز امام سجاده
بالاسی باقر، قبرین باخوب گورن حاجیلار
.
.
جناب فاطمیه چوخ علاقه باغلامیسوز
یانا یانا هاموویز قلب زاری داغلامیسوز
امام صادقین احوالینه چوخ آغلامیسوز
دوتوبدی چهره ویزی چوخلی غم محن حاجیلار
.
.
امام اربعه نین قبر پاکی پوزقوندی
مدینه نون بو سببدن هواسی دوتقوندی
امام ساجد اسیر اولمیشیدی یورقوندی
یوروبدی دشمن اونی اینجیوب بدن حاجیلار
.
.
خدای من ندور علت رواقی یوخ اولارین
زمان حجّدن آرتوخ قوناقی یوخ اولارین
قرانقولوقدی بقیع هئچ چراغی یوخ اولارین
مزارینون داشینا یوخدی سو توکن حاجیلار
.
.
او دورد امام که وار چوخ بلالی دور باشی
ذلیل اولیدی گوروم دشمنان اؤباشی
مزاری اوسته توکور زائرین گوز یاشی
او گرد و خاکی گوروبسوز که یوخ سیلن حاجیلار
.
.
حاجیلارین هاموسی آل یاسینه آغلار
توکر گوزین یاشینی آغ محاسینه آغلار
اباالفضل عاشقی عباس آناسینه آغلار
زمانه ده هانی بیر بیله گون گورن حاجیلار
.
.
گویه فغان اوجالار یثربین کنارینده
آقا خانم دورار امّ البنین جوارینده
بالان قالوبدی خانم علقمین کنارینده
یاتوب مزاریده بیر یاره لی بدن حاجیلار
.
#زائر_کعبه #کعبه
#فدا_جلالوزه_ای_مکه_دن_گلن_حاجیلار
#محمدی_ناطق
#ترکی
.
✍️ #زبدةالاشعار ✍️
?: @nohe_torki
نظر دهید