زبانحال حضرت صغری (س)
.
✍️ #زبدةالاشعار ✍️
.
🆔: @nohe_torki
.
مرحوم روفه گر
.
فراقیوه علی جان روز وشب دوام ایلدیم
خیال وصلیله هجران ایوین مقام ایلدیم
.
عراقدن نه گلن وار نه بیر عراقه گیدن
نسیم صبحی سنه قاصد پیام ایلدیم
.
عراقه سن گیدلی من نوای آهمیله
حجاز قیزلارینا یاتماقی حرام ایلدیم
.
وجودیمی اریدوب منجنیق غم سخدی
ریاضت عالمینین درسینی تمام ایلدیم
.
نظام عالم امکانی گیزلین آهمیله
پوزوب نظامینی معناده بی نظام ایلدیم
.
طریق عشقیده سرمایۀ وفا نقدین
یغوب خزینۀ سینمده اخذ کام ایلدیم
.
هوانی دودۀ آهیم زبس تصرف ایدوب
بو چرخ اطلس دنیانی نیلفام ایلدیم
.
علی علی اوقدر خلق ایچنده سسلمیشم
علی آدین علی مشهور خاص و عام ایلدیم
.
دیدیم علی گَلی عمّم گَلی آتامدا گَلی
فراق ایوینده بو فکری عَلَی الدَّوام ایلدیم
.
متاع عشقه خریدار اولان متاعی یغوب
بو چارسوی محبتده من قوام ایلدیم
.
تاپولمادی علی اکبر کیمی ویرن قیمت
متاعه جلب ایلیوب مشترینی رام ایلدیم
.
مدینه اهلینی مصر اهلی تک یغوب باشیما
اوز عشقمیله سنه عشقیده غلام ایلدیم
.
بو گون منی آنام ام البنین دید ایتدی
کمال رأفتیله من اونا سلام ایلدیم
.
منه بویوردی قیزیم وار عموندن هیچ خبرین
مقابلینده اونا منده لا کلام ایلدیم
.
بو انتظاریله من قالمارام یقین ئولّم
اودور که عارض گل فامی زرد فام ایلدیم
.
مجسّم ایلورم هر گون نظرده حسن رخون
بو فکریله اوزیمی مقضی المرام ایلدیم
.
ایکی گوزوم باخار هر گون سنین گلن یولووا
بو انتظاریله هر صبح شامی شام ایلدیم
.
مریضه قیز آناسیز یالقوز ایوده شام و سحر
یغوب بو خلقی باشا حسن انتظام ایلدیم
.
گلن گیدن سوروشور قارداشین هاچان گلجاق
بو آی گلن آئی هی تکیۀ کلام ایلدیم
.
انیسیم آه سحر مونسیمدی نالۀ شب
خدنگ عشق رخون سینم اوسته رام ایلدیم
.
گیچن گیجه یوخودا گوردوم عمّم اوز باشینا
قرا سالوبدی قیامتدی من قیام ایلدیم
.
شکنج زلفیمی قارداش سنین گلن یولوا
آچوب تمامی پوزوب بیر خطالی دام ایلدیم
.
نسیم صبح صبا عطر کاکلین گتورور
بو خسته جانه علی قوّۀ مشام ایلدیم
.
دعا ایدر باجی قارداشینی گیده سفره
بو عادتی علی دنیاده تا وارام ایلدیم
.
نوای نی کیمی هر صنح دم سیزیلداماقی
اوزیمه شیوۀ دیرینۀ مدام ایلدیم
.
بیزه «رفوگریمیز» یوز دوتوب امان گتوروب
اوزوم براتینی ویردیم سوزون تمام ایلدیم
.
.
#فراقیوه_علی_جان_روز_و_شب_دوام_ایلدیم
#ترکی
.
✍️ #زبدةالاشعار ✍️
.
🆔: @nohe_torki
نظر دهید