زهرا هراس ائتمز
.
✍️ #زبدةالاشعار ✍️
.
🆔: @nohe_torki
.
#شبگیر_تبربزی
.
فشار جوّ قاف عشقدن عنقا هراس ائتمز
چنانکه موج یم دن صخرۀ صمّا هراس ائتمز
.
نوای مرغ یا هو لفظ یاهودان اولوب هو هو
چکر یاهو دئیر هو هو هوَالاعلی هراس ائتمز
.
حیات اصلی پروانه سوزش دن اولوب پیدا
اودور که شمعدن پروانه بی پروا هراس ائتنمز
.
صفای عزت موجودی عشاق لا دن دور
تجرّدن اودور که واله و شیدا هراس ائتمز
.
فنایه گـئتسه عالملر فنا اولماز فنا فی الله
فنادن فانی پیدا و ناپیدا هراس ائتمز
.
خمارم ساقیا رنج خماره وئر صبوحیدن
اگر چه رنجدن مخموری صهبا هراس ائتمز
.
جفای شحنه دن بازار غیرتده صفائیله
سیه مست رحیق میسرای لا هراس ائتمز
.
گرکدور مُلک لادن طیّ منزل نور جامیله
مرارتدن اگرچه رهرو الّا هراس ائتمز
.
طریق عاشقی انوار زهرادن منور دور
محبّ حضرت زهرا اودور اصلا هراس ائتمز
.
ائدوبدور مسندینده مفتضح بوبکری نطقیله
بلی شیخیندن انسیۀ حورا هراس ائتمز
.
علی المرتضی شیرخدا تک یاوری واردور
اگر دنیانی ثانی دولدورا زهرا هراس ائتمز
.
نه قارداش بیر حسینی آبروی خلق عالمدور
عیاندور مادر صدیقۀ صغری هراس ائتمز
.
سکوت مرتضایه مفترض امر محمد دور
و گرنه شاه مُلک لافتا الا هراس ائتمز
.
دایاندی آستان باب رحمتده وقاریلن
بلی طوفانیدن سرو سهی بالا هراس ائتمز
.
باباسی احمد محمود تک دیل آچدی گفتاره
بویوردی حیله گردن دختر طاها هراس ائتمز
.
درِ دربار رحمت شعله ور اولد ی جفائیله
مکافات عملدن فرقۀ اعدا هراس ائتمز
هجوم آور اولوبدور وادی امنه امان سیزلار
امین اللّهدن ایمن تاپان آیا هراس ائتمز
.
اولوبدور ثلث سادات جهان مقتول ثانیدن
نه دن قهاردن اول دشمن یکتا هراس ائتمز
.
منیم واردور عقیدم فضّه حمله ائتدی اشراره
بلی پروردۀ صدیقۀ کبری هراس ائتمز
.
همین فضّه دوروب شمره مقابل وقت غارتده
حریم عشقیده شوریده و شیدا هراس ائتمز
.
بویوردی غیظله زینب بویوردی بیر حیا ایله
دایاندور گرچه سندن محرم سودا هراس ائتمز
.
اؤلر زینب ولی اشراره معجر وئرمییوب وئرمز
بو یولدا فرد فرد عترت طاها هراس ائتمز
.
حریم عصمته نامحرمین حاشا الی یتسین
اگرچه ظلمدن اشرار بد ایماء هراس ائتمز
.
شجاعت مرتضادن کسب ائدوب ناموس زهرادن
جفا و خدعه لردن زینب کبری هراس ائتمز
نفس اشراردن قبض اولدی جمله اولدولار مقبوض
اگرچه بسط دن گنجینۀ اسما هراس ائتمز
.
پریشان باخدی نهر اوسته دئدی قارداش نوا ائتمه
بولورسن که جفادن خواهر سقّا هراس ائتمز
.
بابام شیرخدا تک منده شیرم شیر شیرافکن
علاوه محرم اسرار عاشورا هراس ائتمز
.
منیم قورخومدان اشرار دنی معجر آلا بولمز
نگهبان حریم عصمت یکتا هراس ائتمز
جهاندا آل هاشم دشمنه باش اگمییوب اگمز
علاوه محرم سرّ شب اسری هراس ائتمز
.
اگرچه جوّ عشقین واردی شبگیره فشاراتی
فشار جوّ قاف عشقدن عنقا هراس ائتمز
.
#فاطمیه_مدح
#فاطمیه_شهادت
#فشار_جو_قاف_عشقدن_عنقا_هراس_ائتمز
#شبگیر_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید