زبدةالاشعار

فصل بهار اولدی دو ویر ساقیا شراب #حیدریه_دلریش

ساقی نامه
در مدح شاه دلدل سوار ولی کردگار (ع)
.
✍️ #زبدةالاشعار ✍️
.
🆔: @nohe_torki
.
مرحوم دلریش
.
.
فصل بهار اولدی دو ویر ساقیا شراب
ناشادگوگلومی بو قدر ایلمه خراب
.
قربان اولوم ایاغیوه ساقی ایاقه دور
هجران غمی ایدوبدی منیم گوگلیمی کباب
.
بیر باده ایله دوت الیمی ساقیامنیم
انصاف قیل که قویماگیچه دوره شباب
.
تاخیره ویرمه باده نی قربان اولوم سنه
عشرت زمانیدور دگو ساقی زمان خواب
.
صحن چمنده گللر آچوب لاله زار اولوب
کوهه فرار ایدوبدی بو گون لشگر غراب
.
بلبل گلوب نوایه ایدر ناله هر سحر
باعث اودور که شاهدغنچه آچوب نقاب
.
ساقی نه وقته دین بو قدر یالواریم سنه
یا باده ویرگیلن من مسکینه یا جواب
.
هیهات بیرده بیر بیله موسوم اله یته
مست ایت من فلک زده نی ایله بیر ثواب
.
مست ایت او باده دن منی ای ساقیا نولور
حسرت چکر او بادیه مجموع شیخ وشاب
.
هرکیم اوباده دن ایچه ساقی حرام ایدر
نارجهیمی اول کسه خلاق مسطاب
.
اول باده هانسی باده دی عارف اولان بیلور
یعنی محبّت اسدالله بوتراب
.
وصف ایلیوب بو شاهی ازل خالق سبحان
وصفی دوتوب جهانی بونون مثل آفتاب
.
عبدکمینی قنبر و سلماندی حیدرین
قنبر بو پادشهلری عبدایلمز حساب
.
بیرنعره چکسه خشمیله اول شیر کردگار
سیمرغ کوه قاف ایدر خیل اضطراب
.
مجموع انبیایه ایدوب غیبیدن مدد
باعث اودور خلیله گلستان اولوب عقاب
.
منکرعلی ولایتین دانما بو قدر
سال یادیوه قیامتی بسدور بیر ایت حجاب
.
هرکیم علی ولایتینی انکار ایله سه
بی شک یوزی قرا اولاجاقدور دم حساب
.
بسدور بو فیض کینه دن ای منکر ال گوتور
وار بش گون عمرون اوز اوزوی ایلمه خراب
.
دلریش نقدر وار نفسون صبح و شام یاز
مدح علینی شوقیله تا ایله بیرکتاب

متن پیشنهادی:  الهی غصه دن ایله اوزون منی آزاد #کاظمیه_رمضانی_خاکی

#حیدریه_مدح
#فصل_بهار_اولدی_دو_ویر_ساقیا_شراب
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی