زبانحال حضرت زینب (س) در کوفه خطاب به سر مقدس برادر
.
✍️ #زبدةالاشعار ✍️
.
🆔: @nohe_torki
.
#سبک_سو_یوخومدی_قزلاروندان … 5 سبک
.
مرحوم تائب تبریزی
.
فلک جِداده گوندوز ، گورورم هلالی قارداش
دونورى گوزومده شامه ، گونوز ای یارالی قارداش
.
.
منیم ای ایشیقلی بدریم ، نیه دوشموسن بو حاله
بو قیافه نی آلوبسان ، نیه بو گوزل جماله
هانی طلعتِ جمالون ، نیه دونموسن هلاله
نیه قانلو هاله دوتموش ، بو گوزل جمالی قارداش
.
.
یری وار که بعضی سوزلر ، دیله گاه گاه گلسون
دیه لر گونوزدی یا کیم ، گجه اشتباه گلسون
گورَن اولمیوبدی گوندوز ، فلک اوسته ماه گلسون
ایدوری گورَن تعجب ، بو مَهِ کمالی قارداش
.
.
هامو گوز باخوللا شرح غمیوی بیان وئروللر
گھی فرض ایدولَّ دوتقون ، آی ایله گمان وئروللر
گھی یک شبه بیر آی تک ، باشوی نشان وئروللر
بیله گوسترولَّه اوّل ، شب مه هلالی قارداش
.
.
منی عفو قیل جمالون ، ایلدیم شبیه آیه
سرنیزه لرده قرآن ، اوخوماز آی ، آیه آیه
باشون آیت مبیندور ، سنون آیت خدایه
که بیان ایدور کلام ، حق ذوالجلالی قارداش
.
.
یارالی سزادی بلبل یاتا نازیله گل اوسته
آچا برگ تر گل تر ، سالا سایه بلبل اوسته
گل ناز فاطمه کیم ، باشوی قویوب کول اوسته
نیه قانلو کول دوتوبدور ، بو جمال آلی قارداش
.
.
گتومَزدیم ای یارالی ، بیله عالمی خیاله
که سنی وفاسیز امّت ، سالا ظلمیله بو حاله
دوشه باشوین دالنجا ، حرم اهلی دیلده ناله
گَزَه هر دیاری گوزده ، آخان اشگ آلی قارداش
.
.
بیزه مهربانیدن چوخ ، حامی خلق مهربانی
بیزی خوش دانشدیراردون ، آنامین عزیز جانی
نیه سالموسان نظردن ، بو شکسته کاروانی
بیزیله دانشموسان جان ، یارادان مَقالی قارداش
.
.
دیمورم بلالیم من ، من مبتلانی دیندیر
دیمورم که اهل بیت ، شه لافتانی دیندیر
بو صغیره فاطمه ن دور ، بیر او باغریقانی دیندیر
اَریَه یاخوندی غمدن ، دل پر ملالی قارداش
.
.
دانشان لارون بیانی ، سوزی سنده دور یارالی
هامو سوزلودور او سوزلر ، ئوزی سنده دور یارالی
سسیوی آلور رقیه ، گوزی سندہ دور یارالی
پوزوری سسون گلنده ، او شکسته حالی قارداش
.
.
باخ ئوز اوغلون عابدینه ، نظر عنایتیله
ایله اینجیدوبدی دشمن ، بالاوی شقاوتیله
داخی نطقی یوخ دانشسون ، او گوزل فصاحتیله
یوروب ایلیوبله خسته ، داخی یوخدی حالی قارداش
.
.
یتیشنده عابدینه ، بو جفالیلر جفاسی
دولوری گوزی عذاره ، آخور اشگ پر بھاسی
گوزی یاشلی داده یا اب ، اوجالور حزین صداسی
منی آغلادور بالاوین ، غم ابتهالی قارداش
.
.
نه روادی بیر مریضی ، که اولوبدی زار و خسته
ایده لر اسیر هر یان ، چکه لر طنابه بسته
آلا دیل یاراسی قلبه ، او بلالی دلشکسته
آجی دیل یاراسی ائتسون ، اور گین یارالی قارداش
.
.
نُولی ئوز بالاوه باخسان ، نظر عنایتیله
ولی ایلسن نوازش ، اونا مهر و رأفتیله
آلاسان هراسه دوشموش ، اور گین محبّتیله
اورگون یارالی یارین ، یارالی یار ، آلی قارداش
.
.
سنون ای پناه عالم هانی باوفا پناهون
سنون ای ایشیقلی مهریم ، نه اولوب ایشیقلی ماهون
نیه آیریلوبدی سندن ، او رشید سر سپاهون
نیه ترک ایدوبدی بیله ، سنی اول وفالی قارداش
.
.
سنون عاشقوندی « تائب » ، گل آدوندی آبروسی
آدیویله باشلانوبدور ، هامو یرده گفتگوسی
باشی اوسته جان وئرنده ، گله سن وار آرزوسی
گوره واپسین دمینده ، او گوزل جمالی قارداش
.
.
.
#کوفه_تائب_تبریزی
#فلک_جداده_گوندوز_گورورم_هلالی_قارداش
#ترکی
.
✍️ #زبدةالاشعار ✍️
.
🆔: @nohe_torki
نظر دهید