زبدةالاشعار

قاتل دیمه حسینه سنان و خدنگیدی #حسینیه_سعدی_زمان

شهادت امام حسین (ع)
#فارسی_ترکی
#فارسی از مرحوم نیّر تبریزی
#قتل_شهید_عشق_نه_کار_خدنگ_بود
#ترکی از مرحوم سعدی زمان
#قاتل_دیمه_حسینه_سنان_و_خدنگیدی
.
.
.
مرحوم سعدی زمان
.
.
قاتل دیمه حسینه سنان و خدنگیدی
دنیا بو وسعتیله او مظلومه تنگیدی
.
ننگی قبول ایتمدی ، دوتدی شرافتی
ئولماخ شرفدی ، بیعت اشرار ننگیدی
.
منظور شمر جنگ دگولدی حسینیله
الله ذوالجلالیله مقصودی جنگیدی
.
پیکان دگولدی جبهۀ شاهی شکست ایدن
قلب سپاه کفری دوتان تیره زنگیدی
.
آیینه نی تجلّی ذاتیسی سیندیروب
هر چند قلب قوم ستمکار سنگیدی
.
تشنیدی آب وصل نگاره ، فراته یوخ
آب فرات ، تشنه امامه شرنگیدی
.
هل من معین دیردی اویاتسون یاتانلاری
شهباز تک اگر چه اوزی تیز چنگیدی
.
بزم دنایه جدّی پیمبر عروج ایدوب
معراج شاه ، جانب تیر و خدنگیدی
.
اوخ قلبینه دگنده دئدی پیک وصلدور
ای جان دایانما گل بو نه جای درنگیدی
.
جانبازلیق مراتبینی عشقدن سوروش
پای براق عقل بو میداندا لنگیدی
.
«نیّردی» اوستاد «حسینی» بو نظمده
سن بیر حباب سن ، او بحره نهنگیدی
.
.
.
#حسینیه_شهادت
#ترکی
#زبدةالاشعار

متن پیشنهادی:  دیدم به خواب صحنۀ صحرای کربلا #عاشورا #فانی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی