اعجاز کلام حضرت امام حسن عسکری علیه السلام در اثبات امامت حضرت امام زمان عجل الله تعالی فرجه الشریف
#گریز به #قتلگاه
.
✍️ زبدة الاشعار ✍️
.
🆔: @nohe_torki
.
حاج داود بیدق داری (داور)
.
قادر اللهدان عنایت اولونا گر سوزومه
چکرم خاک سر کوی ولانی گوزومه
قلبیمین قانی آخارگوزیاشیمیلان یوزومه
دوزرم رشتیه مرجان کیمی سوز گوهرینی
یازارام مدح امام حسن عسکرینی
.
.
ابوالادیانه وئروبدور ئوزی بیر نامه امام
بویوروب راضیدی سندن بیلورم خیرالانام
سامرادن یولا دوش ایله مدائنده مُقام
عَددین ساخلا بوگون که وئرولور نامه سنه
اولار اون بئش گجه گوندوز قئیدرسن وطنه
.
.
سن گلن وقته ولی محشر اولار بوردا عیان
شیعه لر باشه وورار اوج ائلیر عرشه فغان
زهر ظلمیله عدو مندن آلار تاب و توان
ایندی باخ گوز دولوسی گورمیه جکسن منی سن
عمریمون آخریدور گئتمه لیم جنته من
.
.
ابوالادیان دئدی مولایه که ای محرم راز
شیعه سندن صورا ایلر کیمه اظهار نیاز
بویوروب جسمیمه کیم قیلسا ئولن گونده نماز
جانشینیمدی یتیم اولسادا عزت واریدی
نه فقط یرده اونون گویده ده حرمت واریدی
.
.
عرض ائدوب آیری علامتده وار ای جان جهان؟
بویوروب ایستسه کیم نامه جوابین او زمان
او اماموندی عیاندور اونا هر راز نهان
عرض ائدوب آیری علامت بویور ای عالمه یار
قیلدی فرمایش او کسدور دئیه همیاندا نه وار
.
.
نامه نی آلدی یولا دوشدی یئدی خون جگر
گئچوب اون بئش گجه گوندوز قئیدوب دیده سی تر
گوردی شهر اهلی ائدور ناله توکور اشک بصر
بیلدی مولاسی گئدوب فاطمه نین محضرینه
معتمد زهر وئروب شاه ولا مظهرینه
.
.
وئرولوبدور او زمان جعفر کذابه خبر
که نمازین قیلا زهرا بالاسین دفن ائده لر
ابوالادیانه ائدوب بو جریان آیری اثر
بار الها دئدی بس رهبریمیز هاردا قالوب
رهبرین اولماماقی تاب و توان مندن آلوب
.
.
ناگهان گوزده اولان غم بولودی اولدی کنار
اولدی آی مثلی عیان عالم عرفانه نگار
یوزده کی هاشمی خالی ائلیور قلبی شکار
قیلدی فرمایش او کسکه سیزه مولادی منم
بو نمازی قیلا الان او که اُولادی منم
.
.
آتانین قیلدی نمازین اؤزی مولای زمان
ابوالادیانی مخاطب ائلیوب قیلدی بیان
نامه نین ایندی جوابین من ایچون ایله عیان
آتامین امریدی بو گرچه جوابین بیلورم
یاغیشین قطره سی یاغدیقجا حسابین بیلورم
.
.
شکر ائدوبدور ابوالادیان صمد دادگره
اوچ علامتدن آلوبدور ایکیسین چون نظره
بیر علامتده گزوردی شه عالی سِیَره
تا ائشیتدی دئیولور گرد غم و دردی سیلون
شهر قم شیعه لری سامریه گلدی بیلون
.
.
الده همیانلاری گلمیشدیله دیداره اولار
دئدیلر امر امامتدی اورکلرده قرار
کیم امام اولسا دئیر الده کی همیاندا نه وار
گتدی بو مطلب ائله جعفر کذّابه تعب
عِلم غیب ایستوری مندن دئدی قم اهلی عجب
.
.
او زمان خادم مولا یریوبدور قاباقا
احترامیله دئیوب امر امامی قوناقا
کیسه نین مبلغینی چونکه بویورموشدی آقا
دئدی مین اشرفیِ زردی بو همیاندا اولان
اونی روکشدی قیزیلدان بودور اصلینده نشان
.
.
ابوالادیانه نشانلار هاموسی اولدی گواه
عرض ائدوب شکر اولا الطافیوه ای قادر الاه
سایه ی مهدی اولوب ماخَلَقُ اللّهه پناه
طلعتی جلوه وئروب قلبیمی روشن ائده جک
بو گل فاطمه دی عالمی گلشن ائده جک
.
.
آتانین قیلدی نمازین بلی طاووس بهشت
قویدی سالم بدنین قبره اوپاکیزه سرشت
شیعه لر آغلادی قبر اوستونه تا قویدولا خشت
تسلیت وئردیله اشکیله امام زمنه
احترام ایلدیله جسم شریف حسنه
.
.
#گریز #قتلگاه
.
کربلاده ولی بیر آیری جفا ایله دیلر
تک نه مولانی ذبیحاً بقفا ایله دیلر
بند بندیندن او گل جسمی جدا ایله دیلر
نوحه می آل نظره باخ او سارالمیش چمنه
نیلر آت دیرناقی گور قانه بویانمیش بدنه
.
.
گوستروب خصم علی کینه ی دیرینه سینی
سالدیلار توپراقا تا فاطمه گنجینه سینی
سیندیروب اهل جفا مرکبیلن سینه سینی
باخدی زینب او داغیلمیش بدنین هر یئرینه
گوردی سالم یئری یوخدور قاریشوب بیربیرینه
.
.
دئدی قارداش بو نه پیکردی که سالم یئری یوخ
بو یارالی بدنون اوسته وئروب باش باشااوخ
گوزلروندن ایراق اولسون منیده ویردیلا چوخ
بیر باخ ای ماه ولا یئرده کی اولدوزلاریوا
نه فقط زینبیوه قمچی دیوب قیزلاریوا
.
.
دوشموسن قلبی یارا آلنی یارا توپراقاسن
کسیلوبدور نفسون یکسره القاندی بدن
دئیه سن قرمزی لاله بورونوب صحن چمن
بو نه گلشندی که زهرانی پریشان ائلیوب
باغبانین بدنین زینت میدان ائلیوب
.
.
.
#عسکریه_مدح
#عسکریه_شهادت
#مهدیه_آغاز_امامت
#قادر_اللهدان_عنایت_اولونا_گر_سوزومه
#بیدقداری
#ترکی
.
✍️ #زبدةالاشعار ✍️
.
🆔: @nohe_torki
نظر دهید