زبدةالاشعار

قارداشیم عباس ئولوبدور قامتیم خم دور باجی #عباسیه_کهنمویی

زبانحال حضرت سید الشهدا علیه السلام به خواهرش حضرت زینب سلام الله علیها
.
✍️ زبدة الاشعار ✍️
.
🆔: @nohe_torki
.
مرحوم سید حسین کهنموئی ( #ریاضی_تبریزی )
.
قارداشیم عباس ئولوبدور قامتیم خم دور باجی
بو مصیبت هامی پیش آمددن اعظم دور باجی
.
اوخلانوب سو مشکی، قوللاری بد‌ندن آیریلوب
یرده بی صاحب قالان شمشیر و پرچم‌ دور باجی
.
.
هر نه قوّت وار قوشوندا قوّۀ پرچمده وار
پرچمی حفظ ایلین‌ بیر بازوی محکمده وار
نه دیوم قارداشیمون چوخ سوزلری سینمده‌ وار
درد ومحنتله دولان بو یاره سینمدور باجی
.
.
تا اسردی پرچمی لشکر هامی دلشادیدی
وعدۀ نصرتله ویران قلبلر آبادیدی
هر قدر کی دوشمه‌ موشدی قوللاری آزادیدی
من گوروردوم قارداشیم جنگه مصمّم‌ دور باجی
.
.
تا آلوردی قارداشیم تشنه اوشاقلارین سسین
قصد ایدیردی ساکت ایتسون آغلایانلار ناله ‌سین
مشکی دولدوردی چیخوب لشکر آلوبدور دوره‌ سین
یوز قویوبدور خیمه‌گاهه قصدی محکم ‌دور باجی
.
.
دوشدی سس لشکر ابوالفضلی خیامه قویمیون
سو آپارسون بچّگان تشنه‌ کامه قویمیون
قویمیون آزاد اولوب یتسون مرامه قویمیون
مرگینه قارداشیمون بو ایش مقدّم دور باجی
.
.
رتبۀ عبّاسیمه چوخلار چکوب رشک آغلادی
مشکینه بیر اوخ دگوبدور حالینه مشک آغلادی
گوردی سقّا سو هد‌ر گتدی توکوب اشک آغلادی
قانه الوان یوزگوزی اشکیله پُرنَم دور باجی
.
.
اونداکی سو مشکی اوخلاندی دگیشدیردی سوزون
ایستدی تا گؤرمه ‌سون تشنه اوشاقلارین یوزون
جان ویروب میدانیده غَمدن قوتارسین اوز اوزون
قارداشیم صاحب مقامات ومکرّم دور باجی
.
.
سویلدی قارداش حسین گل درک ایله قارداشیوی
قارداشون جان تاپشورور آچ باشی اوسته باشیوی
آغلا قارداشون اولور توک عاریضه گوز یاشیوی
ایکی قارداش یوزیوزه قویسا نه عالم دور باجی
.
.
بیله بولمه حالت غمگینی یاددان سالمارام
انتقامین قارداشیمون اشقیادن آلمارام
قارداشیم عبّاس اولوبدور منده اولّم قالمارام
دستگیر اولماق سیزه بی شک مسلّم دور باجی
.
.
قارداشیمون پیکری قولسوز جفادن اوخلانوب
حملی ممکن اولمادی قطعه به قطعه دوغرانوب
قارداشیم حالین گور‌ندن اود دوتوب قلبیم یانوب
بو غمیم گلمز حسابه چوخ بویوک غمدور باجی
.
.
قارداشیم نعشین قویوب میداندا یالقوز گلمیشم
پیکری پاره دوشوبدور یرده قولسوز گلمیشم
قالموشام بو چولده قارداشسیز اوغولسوز گلمیشم
حالتی قارداشیمین گوزده مجسّم دور باجی
.
.
(کهنموئی) بیزلره خادمدی سیّد دور اوزی
ایلوری خدمت شفاعتده مسلّم دور گوزی
ظاهرا بیچاره دور امّا یازوبدور بو سوزی
موقع خدمتدی چون ماه محرم دور باجی
.
.
#عباسیه_شهادت
#قارداشیم_عباس_ئولوبدور_قامتیم_خم_دور_باجی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای گل جمالی حسرت شمس و قمر على #راه_شام_دلریش

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی