استمداد حضرت ابوالفضل (ع)
.
.
#سبک_ای_شاه_مظلومان_حسین (5 سبک متفاوت سینه و زنجیر و … )
.
.
مرحوم حسینی سعدی زمان
.
.
قارداش حسین درک ایت منی
وقت حمایتدور منه
قولار گیدوب باش یاره لی
ئولماق سعاتدور منه
.
.
اولدوم مصمم ویرماقا بو چولده قارداش امتحان
باشدان گیچوب اوز عشقیمی عالملره ویرم نشان
گل گل یوزون بیرده گوروم تا من ویروم آسوده جان
آخر نفسده آرزو فیض زیارتدور منه
.
.
وقاص زاده باشیمی کسماقلقا فرمان ویرور
بسکه ووروبلاراوخ قلج جسمیمده یاره قان ویرور
قارداش یارالی قارداشین دلدن دوشوبدور جان ویرور
سینم باتوب گلمور سسیم وقت شهادتدور منه
.
.
اللرده نیزه دورمی ایلوب احاطه بو صفوف
بیردسته سی خنجر ووران بیر دسته سی تیر و سیوف
عرض ایلدیم گل یانیمه عفو ایله ای شاه رئوف
عذر ایستورم بو سسلماق چوخ چوخ جسارتدور منه
.
.
بو قوم کین ایتدی کمین قولاریمی ایتدی قلم
فرمایش ائت گوز تیکمسون بیرده یولا اهل حرم
دوشسون سو فکریندن قیزین مشک اوخلانوب یاتدی علم
اوخلانماقی سو مشکیمین اسباب خجلتدور منه
.
.
باشیم یارالی قانیله گوزلر دولوب یا سیّدی
باد ستمله گلشن عمریم سولوب یا سیّدی
تأخیرووه بُلّم سنین علت نولوب یا سیّدی
سنسیز یتوب هر غصّه و اندوه و محنتدور منه
.
.
بو قوم کافر جسمیمی ایلوب ستمله نیزه پوش
بیر پر شکسته قوش کیمی جسمیم قالوب یرده خموش
گل گور علمدارین اولوب نه ظلم بی پایانه توش
تشریف فرما اولماقین شأن و جلالتدور منه
.
.
بیر ایله حاله دوشموشم شامه دونوبدور گوندوزوم
یوخ رحم ایدن احوالیمه بلمم ننوعیله دؤزوم
بو قانلی تپراق اوسته من گیتدی سورونماقدان یوزوم
یاره ووران رحم ائتمین اهل شقاوتدور منه
.
.
خنجر دمینده دمبدم گلّم فغان و داده من
سن باشیم اوسته گلمه سن باش ویرمرم جلاده من
اولما رضا چوخ یالواروم بو فرقه بیداده من
جلاد الینده قالماقیم بیحد حقارتدور منه
.
.
شاها #حسینی صدقیله آغلارغمینده صبح و شام
اما فشار ابتلا چوخ ایلیوبدور تلخ کام
عباس الیله ایله تئز خوشحال و مقضی المرام
بیر مختصر لطفین اگر اولسا کفایتدور منه
.
.
.
.
.
.
#عباسیه_شهادت
#قارداش_حسین_درک_ایت_منی
#سعدی_زمان #عباسیه
#ترکی
#زبدةالاشعار
نظر دهید