زبدةالاشعار

قارداش دی شمره بیزلره وئرسونله مهلت بو گجه #شب_عاشورا_صافی_تبریزی

راجع به مهلت شب عاشورا

.
✍️ #زبدةالاشعار ✍️
.
🆔: @nohe_torki
.
#سبک_ای_شاه_مظلومان_حسین … 5 سبک
مشابه
.
.
مرحوم صافی

قارداش دی شمره بیزلره وئرسونله مهلت بو گجه
اخر عیال فاطمه یاتسونلا راحت بو گجه

روز ازلده عهد ایدوب ، گوز گورمین معبودیله
دشت بلایه گلموشم ، من اوزگه بیر مقصودیله
بزم وصاله موعِدَم ، بیر عدۀ معدودیله
اما گنه اولسون گرک ، تکرار دعوت بو گجه
.
.
بیگانه بولمز بو گجه ، من ایسترم مهلت ندن
قارداش معیّن ساعتیم ، وار تا اولام خونین کفن
گر چه کلام ناطقم ، اما کلام اللهی من
چوخ مایلم صبحه کیمی ، ایلوم تلاوت بو گجه
.
.
قارداش صباح اولجاق وئرور ، جان تشنه یکسر لشکریم
قرباندی راه عشقده ، وار هر نه یار و یاوریم
هم قاسم و عبداللهیم ، هم اکبریم هم اصغریم
قیلسون آنالار اوغلونا ، لازمدی زینت بو گجه
.
.
گیت مهلت آل بو قومدن ، راز و نیاز اولسون گرک
بو عرصیه منلن گلن ، یکسر مُجاز اولسون گرک
گیتسون گیدن قالسون قالان، بیر امتیاز اولسون گرک
ترکِ مُجاز ایلر ایدن ، درکِ حقیقت بو گجه
.
.
قارداش یتور بو نکته نی ، بیر رمزیله بو لشکره
بیر نچّه ساعت الده وار ، فرصت من بی یاوره
آز قالدی زینب ناله سی ، یتسون بو چولده گویلره
بوللم طلوع ایلر یقین ، صبح قیامت بو گجه
.
.
گرچه صباحیم بولموشم ، نه نوعیله آخشام اولور
گوندوزدی اما دیدۀ، زینبده تیره شام اولور
نی تک سیزیلدار عترتیم ، هرگز دیمه آرام اولور
باری سکینم ایلسون ، بیر استراحت بو گجه
.
.
قارداش کسوبلر سو یولون ، لب تشنه دور اهل حرم
گل تک سوسوزلوقدان سولوب ، بو بانوان محترم
خردا اوشاقلار آغلاشور ، هر دم یتور بیر تازه غم
قیلسون سوسوزلار حالینی ، لشکر رعایت بو گجه
.
.
شوق شهادتله ئوزوم ، من اولموشام چوخ بیقرار
مرهون منت اولماقا ، بیر نکته وار بولمز کنار
آخشام اولور گوز گورمه سون ، گتسون گیدنلر هر نه وار
هر کیمسه گیتسه چکمه سون ، مندن خجالت بو گجه
.
.
.
#شب_عاشورا_صافی_تبریزی
#قارداش_دی_شمره_بیزلره_وئرسونله_مهلت_بو_گجه
#ترکی

متن پیشنهادی:  یئتیشدی یثربه غم کاروانی آغلادیم یاندیم

.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی