زبدةالاشعار

قاره پوش اولوب ختم انبیا نالیه گلوب قدسیان بوگون #عسکریه_اشکی_تبریزی

در مصیبت حضرت امام حسن عسکری علیه السلام
.
✍️ #زبدةالاشعار ✍️
.
🆔: @nohe_torki
.
#سبک_ساخلا_ناقه_می_کاروانیدن
.
حاج مجید بدایعی ( اشکی تبریزی )
.
قاره پوش اولوب ختم انبیا نالیه گلوب قدسیان بوگون
جان ویروب آتاسی یتیم اولوب آغلوری امام زمان بوگون
نالیه گلوب قدسیان بوگون
.
.
آفتاب وحدت غروب ایدوب یریوزی چو ظلمت سرا اولوب
معتمد امامی شهید ایدوب گلشن وفانون گلی سولوب
زهر کين اثر ایلیوب ز بس گل دوداقلاری قانیلن دولوب
ترک قیلدی بوعالمی اولوب عالم بقایه روان بوگون
نالیه گلوب قدسیان بوگون
.
.
بزم وصل جانانه یول تایوب ایلیوبدی حق دعوتین قبول
سُرَّمَن رَا شهر غمزده دوستان غمین شیعه لر ملول
باش آچوب جنان ایچره فاطمه دمبدم دیور وای جوان اوغول
یوز ویروبدی خاتون محشره محنت و غم بیکران بوگون
نالیه گلوب قدسیان بوگون
.
.
بوش یرین گورنده آتاسينون صاحب الزمان باغرى قانيدور
فکر ایدور گرک غیبت ایلیه امرخالق لامكانيدور
گیزلین اولسون انظار خلقدن غیبت صغيره زمانیدور
بلبل ستمدیده تک اولا بو جهاندا بی آشیان بوگون
نالیه گلوب قدسیان بوگون
.
.
ترک ایدوب بو دنیانی عسکری عالمی قویوب سوگواریده
وار یری بپا بزم غم اولا هر بلادده هر دیاریده
اوغلی حضرت صاحب الزمان عالمی قویوب انتظاریده
حکم اولا خدادن ظهور ایده بو جهان اولا گلستان بوگون
نالیه گلوب قدسیان بوگون
.
.
گه آتاسيتون بوش یرین گورور غملرین سالور یاده آغلوری
بیر کسه دینمور مصیبتین دلده ساخلوری سینه داغلوری
منتظردی هر دم ظهور ایده، سیل اشکی رخساره باغلوری
ایل گلور گچور غصه باشلانور دردلر تاپور تازه جان بوگون
نالیه گلوب قدسیان بوگون
.
.
اورداکی قویوب عالمه قدم باشلانوب همان یرده غیبتی
دفن ایدوب آتاسی یانیندا اول صاحب جلال و جلالتی
عالمی گزور طىّ العرضيله لیک خلقه غایبدی صورتی
شیعه لر ایچینده گزیر اوزین ویرموری ولیکن نشان بوگون
نالیه گلوب قدسیان بوگون
.
.
گه مدینه ده گاه مکه ده گه محل دیداری جمکران
گرچه عالمی سیر ایدور ولی یوخدی بیر مشخص اونا مكان
جمعه لر یقین کربلاده دور اوردا چون ياتوب شاه عاشقان
جدینه نوا ایتماقا گیدر قبرینه امام زمان بوگون
نالیه گلوب قدسیان بوگون
.
.
بو زبان حالیله جدینه عرض ایدر گئجه گوندوز آغلارام
گوز یاشیم تمام اولسا چشمد ن خونِ دل بو رخساره باغلارام
عمه مون غمین یادیمه سالوب سینه مه ويروب سینه داغلارام
هر دم ایلوری غملری منی فکر ایدن زمان نیمه جان بوگون
نالیه گلوب قدسیان بوگون
.
.
اشکیا امام زمانیدن حاجت ایستوسن نچّه گوندی سن
غافل اولما ویر زینبه قسم عمه سین چوخ ایستر شه زمن
اوندا که گلوب قتلگاهده ایلدی حمایت حسیندن
سن او ساعتی یاده سال ایله گوزیاشی عذاره روان بوگون
نالیه گلوب قدسیان بوگون
.
.

متن پیشنهادی:  یاران مژده گلدی فخرالمفاخر #باقریه_شایان_ارومیه

#عسکریه_اشکی_تبریزی
#عسکریه_شهادت
#قاره_پوش_اولوب_ختم_انبیا_نالیه_گلوب_قدسیان_بو_گون
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی