زبدةالاشعار

قاسم قیزیل قانه باتوب الآن عمو گل #قاسمیه_رضوی_زنجانی

استمداد حضرت قاسم (ع)
.
✍️ #زبدةالاشعار ✍️
.
🆔: @nohe_torki
.
رضوی زنجانی
.
قاسم قیزیل قانه باتوب الآن عمو گل
زینت تاپوب قانیمله بو میدان عمو گل
.
.
اوخ نیزه یکسر جسمینی ایلوبدی یاره
شهپر ویرور روحی بو گون کوی نگاره
ایستور گوره گل صورتین قاسم دوباره
عشقینده قاسمدی سنه قربان عمو گل
.
.
خورشید تک گل نور آلا مهتاب عموجان
قاسم سنه نوکردی سن ارباب عموجان
جسمیم یارادی اولموشام بی تاب عموجان
ای سبط طاها آیت سبحان عمو گل
.
.
تپراقلار اوسته یاره لی پیکر گلیبدی
شمشیر الینده قتلیمه لشگر گلیبدی
تئز گل آنام باشدا قرا معجر گلیبدی
اولموش بو غمده گوزلری گریان عمو گل
.
.
بو یاره لر عشقینده مولا جان عسلدی
حتّی عسلدن آد گلور بو بیر مثلدی
اونداندا شیرین تر، آنام باش اوسته گلدی
سنده یوبانما ای شه دوران عمو گل
.
.
گرچه آخار تپراقلار اوسته قان بدندن
پروازه روح آماده دی الآن بدندن
سن گلمه سن چیخماز ولی بو جان بدندن
گل باشیم اوسته جان وئریم آسان عمو گل
.
.
جان اوسته، بیماریندن ائت مولا عیادت
بلکه قویام تئز باشیمه تاج سعادت
ایله نظر من تئز ایچیم شهد شهادت
اولدوم شهادت جامینه عطشان عمو گل
.
.
گل جان وئرنده ائت نظر سرباز عشقه
شهپر چالوم من سنده باخ پرواز عشقه
پایان عمره باخما، باخ آغاز عشقه
پایانه چاتسون تا بئله هجران عمو گل
.
.
باشه سالوب قاره آنام آواره اولسا
اوخ نیزه جسمیمدن دگیب مین یاره اولسا
پیکر سنون عشقینده گر صد پاره اولسا
بیر یول دئمم آخ، ای گُل جانان عمو گل
.
.
قانیم آخور گل گور نئجه بو تپراق اوسته
جسمیم یارا یکسر، اوزوم عطشان و خسته
بیر قوش کیمی پوزقون پریشان پر شکسته
صیّاد الینده قالمیشام الآن عمو گل
.
.
بیرده او طاها بنزری من چوخ سووردیم
حیدر مثالی اکبری من چوخ سووردیم
الآن اولوب قان بستری من چوخ سووردیم
اولدوم اونون تک قانیمه غلطان عمو گل
.
.
بیر شاعر گمنامیوم یورموش زمانه
دؤنموش اؤرک اطراف الیندن لخته قانه
ای مجتبانون کنزینه درّ یگانه
سن دئ اولاندا عمریمه پایان عمو گل
.
.
.
.
#قاسمیه #رضوی_زنجانی
#قاسمیه_شهادت
#قاسم_قیزیل_قانه_باتوب_الآن_عمو_گل
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  حضرت صادق غمینده گلمیشوخ شور و نوایه #صادقیه_تابع_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی