زبانحال حضرت رباب (س)
.
✍️ زبدة الاشعار ✍️
?: @nohe_torki
.
مرحوم نادری
.
قالان گهواره سی خالی
علی لای لای بالام لای لای
آنوون یوخدی احوالی
علی لای لای بالام لای لای
.
او گون باشیمه کول اولدی سنه ال حرمله چاتدی
باتا کورپه اوشاق قانه آنا بیچاره کول باشدی
گورنده قانلو قونداقی گلوب سوت دوشلریم داشدی
اولار اوغلی اولن حالی علی لای لای بالام لای لای
.
یامان درده منی سالدون قوجاقوم بوش قالوب اصغر
قالوب نسگیل بو سینمده گوزوم آغلاراورک تترر
دیدیم اوغلوم سنی طویدا قوجاقینه آلار اکبر
اولار بزم طوئی عالی علی لای لای بالام لای لای
.
نه تیز ای صود امر اوغلوم سو اوستونده سن اوخلاندون
آتانون الری اوسته قیزل قانیله ایسلاندون
منی دنیاه تک قویدون ئوزون عقبایه یولاندون
آلان اوخدان پر و بالی علی لای لای بالام لای لای
.
الا ای طفل معصومیم گناهون بولمدیم نولدی
دگوب پیکان بوغازوندن بوقنداق قانیلن دولدی
هامودان قوچ ولی مندن قوزی قربان قبول اولدی
منه ویردون بو اجلالی علی لای لای بالام لای لای
.
داخی سندن سورا اوغلوم اگر چه اولمسم قالسام
گورنده خوردا بیرقونداق یری وار اود دوتوب یانسام
بالاسی ایتمش آهو تک یانوب دلدن الولانسام
گچر عمریم بومنوالی علی لای لای بالام لای لای
.
بو فخرون بسدور عالمده علی باب الحوایج سن
حسینون سینه سی اوسته سنه کرب و بلا مدفن
اولار خالص اولان شیعه جزاده ((نادری)) ایمن
قوپاندا حشر جنجالی علی لای لای بالام لای لای
.
.
#سبک_علی_اصغر_مه_انور (بیش از 7 سبک)
.
#اصغریه_شهادت
#حضرت_رباب
#قالان_گهواره_سی_خالی
#نادری
#ترکی
.
✍️ #زبدةالاشعار ✍️
?: @nohe_torki
نظر دهید