زبدةالاشعار

قالدی مسلم بیکس و بی یار و یاور کوفه ده #مسلمیه_عینی_فرد

شهادت حضرت مسلم ابن عقیل علیه السلام
.
✍️ زبدة الاشعار ✍️

?: @nohe_torki
.
حاج غلامرضا عینی فرد زنجانی
.
قالدی مسلم بیکس و بی یار و یاور کوفه ده
یرمی مین بیعت ایدنلر چکدی خنجر کوفه ده
.
.
کوفه نین جریانی تأثیر ایلدی اهل دله
چوخ چتین دست فراموشی بله ننگی سِلَه
نه ایله پیشوازاولونسون نه ستم اولسون بله
اولمیوب هیچ یرده اولدی بو عمل لر کوفه ده
.
.
گه امیرالمومنینه جان فدایت سویلدی
گلدی حیدر ریشه جهل و عنادی پیله دی
کوفه اهلی عدل مولادن گورون بیر نیلدی
وردی باشندان یارا بیر کافر آخر کوفه ده
.
.
گه امام مجتبانی ایلیوبلر رهنما
نور عین فاطمه اولدی او یرده مقتدا
مکر دشمندن یخلدی یثربه گلدی آقا
گوردی قالسا ایلیر ایذا ستمگر کوفه ده
.
.
ایندیده نوبت چاتوب مظلوم حسیندن چکمور ال
هی یازوبلار کوفه اهلی نامه اوستن نامه گل
اول کریم النّفس اجابت ایلدی ضرب الاجل
ایستدی رهبر اولا سبط پیمبر کوفه ده
.
.
یوللادی اوّل سفیرین کوفیه سبط النّبی
مسلم اوردا ارزیابی ایلسون بو مطلبی
مکّه دن حضرت صورا چخدی گتوردی موکبی
رهبری ایتسون او عرش و فرشه رهبر کوفه ده
.
.
بیر اوقدری گچمدی برعکس اولوب رفتارلر
مسلمی تنها قویوبدور کوفیان حیله گر
قاننه غلطان اولوب غربتده مرد خوش سیر
جنگ طولانی اولوب اولدی مکدّر کوفه ده
.
.
حیدر کرّار هیجاسین ایدوب مسلم عیان
لشگر ابن زیاده وردی تیغ جانستان
هر قدر اولسا قوی تکدور اولوبدور ناتوان
لرزه آفاقه سالوب الله اکبر کوفه ده
.
.
صبح صادقدن وروب شمشیر سفیر شاه عشق
قان محاقنده دوتولدی لحظه لحظه ماه عشق
کوفیان غالب اولانمازدی یخوبدی چاه عشق
دوشدی گوداله مسیرینده او سرور کوفه ده
.
.
قوللاری باغلاندی اندی لبلریندن تیغ تیز
گُل دوداقلار دوغرانوب پایان تاپوب آخر ستیز
ساقی غمدن آلوردی جام وصلین ریز ریز
ملحق اولسوم عمّ والاسینه تز تز کوفه ده
.
.
ابن مرجانه سوزیلن ئولدوروب قوم دنی
چون اونا مسلم دیدی آدم حساب ایتمم سنی
باش بدنن آیریلوب جنت اولوبدور مسکنی
آغلادوبدور اهل دینی اول دلاور کوفه ده
.
.
#سبک_زینبم_جان_اوستیم (4سبک)

متن پیشنهادی:  آغلا بو بزمیده گوزوم گوز یاشوون بهاسی وار #شام_غریبان_عدلی_تبریزی

.
#مسلمیه
#قالدی_مسلم_بیکس_و_بی_یار_و_یاور_کوفه_ده
#عینی_فرد
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی