توسل به باب الحوائج حضرت ابوالفضل العباس علیه السلام
.
.
.
مرحوم نادری میانجی
.
.
قالسا مشکلده ایشون دادیوه سرداری چاغور
نهر علقمده دوشن قولسوز علمداری چاغور
.
.
چوخلاری وار یوخونی بذل بو درگاه ائدر
گونده یوزلرجه بونون قبرینه زوار گئدر
هر کیمین دردی اولا دردین ابوالفضله دیر
سنده گل داده و عباس وفاداری چاغور
.
.
عبد صالح دور آدی قاری قرآندی آدی
باشی دالدان کسیلن حضرته درباندی آدی
قلبده گیزلین اولان دردلره درماندی آدی
ایسته سون مطلب اگر تشنه سپهداری چاغور
.
.
بیر آدی کان غضبدور بیر آدی باب کرم
بیر آدی باب حسیندور بیر آدی میر علم
پرچمی یاتدی اولوب قوللاری سو اوسته قلم
پرچمون صاحبی اول سرو سپیداری چاغور
.
.
الووی نیت ائدوب درگه صبحانه گوتور
ئوره گون دردینی گل صدقیله اظهاره گتور
عرضیوی محضر سرکردۀ اسلامه یتور
نائب منقبت حیدر کراری چاغور
.
.
آچ بصیرت گوزونی ایله حقیقتله نظر
هر قاپی باب حوائج اولا بولمز بو قدر
چاره سیز دردیوه سن ایستیه سن چاره اگر
گل حسین لشگرینه سرتیپ و سالاری چاغور
.
.
ایسته سون آب حیاتی تاپاسان عالم آرا
قعر ظلمات تفکرده قالوب ائتمه نوا
خضر و الیاس هارا؟ حضرت عباس هارا
پرچمی قانه باتان منشی درباری چاغور
.
.
آدی سقادی سو اوستونده وئروب باشیله جان
اوخلانوب مشکی دولوب سو یرینه مشکینه قان
باورون اولماسا گئت تل او زینبده دایان
اوخلانان مشکی دوشن توپراقا قوللاری چاغور
.
.
چاغور ای لیلیه امداد ائدن امدادیمه یت
چاغور ای قوللاری تندن کسیلن دادیمه یت
یوخدی فریاد رسیم دهریده فریادیمه یت
ای پناهسیزلارین عالمده هواداری چاغور
.
.
ای اولان کاتب مستوفی درگاه حسین
شرف برج امامتده اولان ماه حسین
شیعه فریاد رسی حافظ خرگاه حسین
پاسبان حرم عترت اطهاری چاغور
.
.
قورولان وقته او گون واقعۀ کرب و بلا
سنه چوخ اولدی پناهنده او گون شاه هدا
ای علینون غضب اوغلیسنه جانلاردی فدا
زادۀ پرهنر اول شه ابراری چاغور
.
.
بیدقی قانلی بدن قانلی اولوب پاره کفن
بالاجا قبرینی الله ائده قسمت گوره سن
قالما گردابده ای « #نادری » فریادیوه سن
او اوزون قوللی سخا معدنی سالاری چاغور
.
.
#عباسیه_مدح
#قالسا_مشکلده_ایشون_دادیوه_سرداری_چاغور
#نادری
#ترکی
#زبدةالاشعار
نظر دهید