زبانحال حضرت موسی ابن جعفر (ع)
.
#سبک_مسلمون_شهادتی ( 5 سبک)
.
مرحوم قدرت اله نادری میانجی
.
قالمیشام عراقده ، دردِ بی دوایه گل
دوغرانوب جگرلریم ، ای رضا هرایه گل
.
اون بیر ایلدی ای بالا ، من قفسده قالمیشام
بلبل رسالتم ، عطری گلدن آلمیشام
سن گورن بابان دگول ، حبسده قوجالمیشام
بیر علیل ناتوان ، جان وئرور نوایه گل
.
فرش یوخ ئوزوم غریب ، یر رطوبی بی چراغ
گردنیمده سلسله ، ایلیوب ورم ایاق
بیر بلالی سیّدم ، گل اوغول منه قوناق
ای بلا چکن بالا ، مرکز بلایه گل
.
من سپهر حقّیده ، گر ایشیقلی اولدوزام
محبس عراقیده ، بیر غریب و یالقوزام
دشمن اینجیدور منی ، فرض ائدور اوغولسوزام
غرق محنت و غمم ، سنده آه و وایه گل
.
قلب زاریمه اوغول ، زهر کین ائدوب اثر
دل یانوب دوداقیلن ، اودلانوب داخی جگر
چوخ زماندی حسرتون ، ای رضا آتان چکر
وئر رضا قضایه سن ، جانب رضایه گل
.
گل که ایندی محبسه ، شاه انس و جان گلر
یانیمه منیم بالا ، حالیمه یانان گلر
شاه محشرین قیزی ، فاطمه آنان گلر
واردی سندن چوخ وفا ، محفل وفایه گل
.
باغدا گل سولان زمان ، چوخ چتیندی بلبله
بیرده باور ائتمه سن ، یثربه بابان گله
زهردن یانور جگر ، گردنیمده سلسله
یوز وئروب بلا منه ، گورمگه جفایه گل
.
«#نادری» بشر اولار ، گر چه جایز الخطا
یاز خدا جزا گونی ، بیته ، بیت ائدر عطا
سنده چون غریبسن ، ضامنون اولار رضا
دورگلان زیارته ، دشت کربلایه گل
.
.
#کاظمیه_شهادت
#قالمیشام_عراقده_درد_بی_دوایه_گل
#نادری
#ترکی
.
نظر دهید