قالوا بلاده قسمت اولاندا بلا منه

ورود به کربلا
.
✍️ زبدة الاشعار ✍️

?: @nohe_torki
.
مرحومین بیخود و واقف سرابی
.
قالوا بلاده قسمت اولاندا بلا منه
من کربلایه عاشقدیم کربلا منه
.
بو کربلا مقدمه سین ای آنام باجی
اوّل خبر ویروبدی رسول خدا منه
.
اولّام شهید من، سنی ایلله دستگیر
محمل سنه، مقام اولی، حامل جدا منه
.
باشیم جداده سیر ایده جاق هر ولایتی
باشیم گورنده آغلیا اهل ولا منه
.
گیتسون مدینیه خبر ائت آل هاشیمه
گلسون عزایه دوست سنه آشنا منه
.
زهرا آناما گئت خبر ائت قویمادوم قصور
تاب ایلدیم هجوم ایلیوب هر بلا منه
.
گاهی سریر نیزه ده شامه گئدر باشیم
گه شامیده سریر اولی طشت طلا منه
.
من باخمارام باخاندا جگر چاک چاک اولور
هردم باخاندا اکبر گلگون قبا منه
.
مناده ممکن اولمادی قربانی کسماقا
یتمش فدائیله بو چول اولدی منا منه
.
الله یولوندا تشنه ئولم سهلیدور منه
محشر گونی شفاعت اولار خونبها منه
.
سن آغلاما منیم چوخ اولور آغلیانلاریم
دائم ایدله #واقف و #بیخود نوا منه
.

#ورود_کربلا
#قالوا_بلاده_قسمت_اولاندا_بلا_منه
#بیخود
#واقف_سرابی
#ترکی
.
✍️ #زبدةالاشعار ✍️

?: @nohe_torki