زبانحال حضرت لیلا در راه شام به سرعلی اکبر (ع)
.
.
#سبک_ساخلا_ناقه_می_کاروانیدن … 8 سبک
.
.
مرحوم صحاف تبریزی
.
.
قانلو باشوی شام یولّارین
ال به ال دولاندوردیلار علی
گونلرین قباقنده گول یوزون
نیزه لرده یاندوردیلار علی
.
.
.
ایلیوب مبدّل بو چرخ دون
محنت فراقه وصالوی
پرده پرده قان پرده سی دوتوب
زلف کاکلون خطّ خالوی
یولّارین توزی قویموری گورم
بیر دویونجا من گول جمالوی
گور نجه اوغسوز غریب آنان
جانیدن اوساندوردیلار علی
.
.
.
ایتمشم ازل گونده سینمی
درد و محنت و غصّه مخزنی
آچمارام او دور دل شکایته
سن نقدری دیندیرمه سن منی
لاکن آز قالار غصّه مرگ اولا
باری بیر دانشدیر سکینه نی
رنگ رنگ غمله بو غمکشی
اشقیا بویاندوردیلار علی
.
.
.
ساربان یخوب ناقه دن یره
قالدی منتظر یار و یولداشی
کَونی حیرته سالدی گیتمدی
نیزه ده حسینون کسیک باشی
آختاروب گوزی سوگلی قبرین
آخدی نیزه دن قانلی گوز یاشی
سس سسه ویروب کاروان غم
لشگری دایاندوردیلار علی
.
.
.
بسکه آت دوشنده برهنه پا
چوللری گزوب زار و خسته دور
نیزده دن گوز آچ بیر توجه ایت
گوگلین آل باجون دلشکسته دور
قانلو باشوین آردیجا دوشوب
بیرجه تار زلفونله بسته دور
قولّارین عبث باغلیوب عدو
طاقتین تالاندوردیلار علی
.
.
.
ایلیوبدی نیلی بنفشه تک
قمچی پیکرین سیلی گول یوزین
تازیانه الده گورن کیمی
شمری تیز یومار قورخودان گوزین
باغریقان اولوب غصّه دن بالام
قورخورام هلاک ایلسون اوزین
حقّدن عجب ال چکوبله بو
اهل کینه یاندوردیلار علی
.
.
.
نیزه ده دینده صبا یلی
زلفوین پوزار انتظار منی
تل به تل توکر مه جمالوا
طرّه مُطَرّا غَما منی
نور و ظلمت ایلر مقابله
بیر ایدر آنان صبح و شامنی
وجه حسنله زلف عارضون
خلقه حقّون آندوردیلار علی
.
.
.
سن جداده من ناقه ده علی
یوخ او قدر ما بین فاصلم
نه الیم یتر نیزه باشنا
باری گوزلرون قاننی سلم
نه باشون ویرور باغریما باسوم
نیزه دارونا واردی چوخ گلم
آتش فراقوندا قلبمی
گور نه نوعی یاندوردولار علی
.
.
.
پر شکسته بلبل تک ای گلوم
بسکه خاره یالوارام آغلارام
گاهی خولیه گاه شمر تک
نا بکاره یالوارام آغلارام
نیزه ده باخوب قانلو باشوا
نیزه داره یالوارام آغلارام
عاقبت بو مشگل غمی منه
گور نه سهل ساندوردولار علی
.
.
.
روز شب گلوب داده نی کیمی
ایلرم نوا آغلارام سنه
سس سسه ویروب عمه لر باجون
تک به تک اولور هم صدا منه
آتلارون آخار گوز یاشی یوزه
ناقه لر گلور داد و شیونه
جور ظلمی تک یولّاری ز بس
اشقیا اوزاندور دولار علی
.
.
.
گر چه بو فشارات روزگار
ایلیوبدی «صحّافی» خون جگر
لایق ایلمز اوزگه بر خیال
ایلسه شه کربلا نظر
آغلیوب گلور شیونه اولور
ورد ذکری هر شام و هر سحر
قانلو باشوی شام یولارین
ال به ال دولاندوردیلار علی
.
.
.
#راه_شام #صحاف_تبریزی #اکبریه #اکبریه_شهادت
#قانلو_باشوی_شام_یولارین_ال_به_ال_دولاندوردیلار_علی
#ترکی
#زبدةالاشعار
نظر دهید