قانه باتوب شاه ولایت علی #حیدریه_رسولی_زنجانی

شهادت امام علی(ع)
.
✍️ #زبدةالاشعار ✍️
.
🆔: @nohe_torki
.
#سبک
با صدای ابراهیم پور خویی
.
حاج جواد رسولی زنجانی
.
قانه باتوب شاه ولایت علی
درک ائلیوب فیض شهادت علی
شمس امامت علی
شاه ولایت علی2
.
.
مسجد و محراب چکور انتظار
مسجده گئتمور ندن اول شهریار
قالدی یتیملر آناسیز اشکبار
غصه دن اولدی ئوزی راحت علی
.
.
یاسه باتوب جنتون اهلی گنه
فاطمه معناده گلوب شیونه
شیعه نون اشکی توکولور دامنه
قانه باتوب مظهر رحمت علی
.
.
زینب ائدوب ناله توکوب گوزیاشین
یاره لی تا گوردی علینون باشین
آغلادی آغلاتدی حسین قارداشین
گوزلرین آچدی دم فرقت علی
.
.
سسلدی ای نور دوعین آغلاما
ایلمه چوخ شیون و شین آغلاما
ای گوزیمون نوری حسین آغلاما
ایلمز هجرانوه طاقت علی
.
.
وار سنه آینده ده بیر ماجرا
اهل ولایه بلی خوشدور بلا
مقتل خونین اولاجاق کربلا
زنده دگول حیف او ساعت علی
.
.
نالیه گلدی هامی عرض و سما
گلدی عزا مجلسینه مصطفی
باشی آچیق گلدی یره انبیا
یومدی گوزون شاه ولایت علی
.
.
یازدی«رسولی»سوزون ائتدی تمام
عرض ارادت ائلدی والسلام
گرچه دگول در خور شأن امام
لیک وئرر دوز سوزه قیمت علی
.
.
#حیدریه_شهادت
#قانه_باتوب_شاه_ولایت_علی
#ترکی
.
✍️ #زبدةالاشعار ✍️
.
🆔: @nohe_torki