قانیله دینون بناسین محکم ایتدون یاحسین #حسینیه_علومی_تبریزی

حماسه کربلا نهضت حسینی
.
✍️ #زبدةالاشعار ✍️
.
🆔: @nohe_torki
.
علومی تبریزی
.
قانیله دینون بناسین محکم ایتدون یاحسین
کربلا دشتین سواد اعظم ایتدون یا حسین
.
نهضت خونینله دنیانی گتدون جنبشه
مسلمی مالک رقاب عالم ایتدون یا حسین
.
قویمادون پیغمبرین زحمت لری گتسون هدر
دشمنین نظم و نظامین برهم ایتدون یا حسین
.
کاخ استبدادی یخدون عدلی ایتدون پایدار
ملت اسلامی صاحب پرچم ایتدون یا حسین
.
تا جهان وار سیدی تاریخه زینتدور آدون
شارب الخمرین بساطین درهم ایتدون یا حسین
.
آخدی قانین یازدی یرده نامه حریتی
کیم دیر اکبردن ال چکدون غم ایتدون یا حسین
.
درس آزادی سن اورگتدون هامو ملت لره
نه گوزل حق سنگرین مستحکم ایتدون یا حسین
.
قویمادون مومن لره کافر ریاست ایله سین
ظالمین یخدون ایوین قدین خم ایتدون یا حسین
.
تشنه لب جان ورماقین طومار غمدی شیعیه
بیزلره دنیانی بزم ماتم ایتدون یا حسین
.
قالدى نحاله باجون زینب شهادتدن صورا
دختر زهرانی سرّه محرم ایتدون یا حسین
.
.
#حسینیه_علومی_تبریزی
#حسینیه_شهادت
#قانیله_دینون_بناسین_محکم_ایتدون_یاحسین
#ترکی
.
✍️ #زبدةالاشعار ✍️
.
🆔: @nohe_torki