شهادت حضرت علی امیرالمؤمنین(ع)
.
✍️ #زبدةالاشعار ✍️
.
🆔: @nohe_torki
.
مرحوم سید احمد یاسر نجفی
.
قان آغلیون که شیر خدانون عزاسیدور
ماتم دوتان علیِّ ولینون خداسیدور
.
قاره گیوبدی کعبه اولوب ماتمه مقام
زمزم سرشگی مروه و مشعر صفاسیدور
.
هر گوشیه گورن گوزیله ایله سن نظر
ذرات عالم ایچره مصیبت اساسیدور
.
ایتمش تمام خلقی خبردار جبرئیل
آگاه اولون که حیدر کرار عزاسیدور
.
یاران گلور قولاقیمه بیر عورتین سسی
بُلمم بو هانسی محنت و غم مبتلاسیدور
.
لحن حجازیله ائدوری نوحه، بلمورم
کلثوم یاکه زینب کبرا نواسیدور
.
گاهی گلور خیالیمه بو ناله صاحبی
امّ البنین حضرت عباس آناسیدور
.
أمّا ز بسکه آغلاماقی ضعفیلن گلور
بالله سنان قابورقاسی زهرا صداسیدور
.
ماتم دوتوب عم اوغلوسنا سس ویرون اونا
هرعورتی که فاطمه نین آشناسیدور
.
زینب سالوبدی باشه بو گون تازه دن قرا
بو قاره اوّل حزینون اوچومجی قراسیدور
.
حیدر عزاسی کوفه ده راحتدی زینبه
آغلار نه قدری خاطرینون مدّعاسیدور
.
اول بینوایه آغلاماقی ترک ایتدیلر
قمچی الینده شمر لعینون جفاسیدور
.
قانه باتوب ولیّ خدا دوتموسوز عزا
یا که حسین فاطمه نون کربلاسیدور
.
رنگ شفق فلکده علی قانیدور یقین
یا قاسمون طویوندا یاخان قان حناسیدور
.
مخمل دوشکده تویه لحاف ایچره خواب ایدن
فکر ایتمه سون که خلق جهان مقتداسیدور
.
ایتسن سؤال مندن علی رخت خوابینی
بستر قویون دریسی لحافی عباسیدور
.
اوخشات اوزیوی سنده «ثریّا» او سروره
تا که گورن دیسون بو علینون بالاسیدور
.
.
#حیدریه_ثریا_تبریزی
#حیدریه_شهادت
#قان_آغلیون_که_شیر_خدانون_عزاسیدور
#ترکی
.
✍️ #زبدةالاشعار ✍️
.
🆔: @nohe_torki
نظر دهید