کوفه
.
✍️ #زبدةالاشعار ✍️
.
🆔: @nohe_torki
.
علومی تبریزی
.
قان پرده سی مه یوزده سالوب هاله یارالی
زینب نجه تاب ایلیه بو حاله یارالی
.
.
هرگز بو بلا سیّدی گلمزدی خیاله
دشمن سالا قانلو باشیوی بیر بیله حاله
بنذیر آنام اوغلی بو باشین گورنه هلاله
قرآن او خوسان کشف اولا دنیایه حقایق
آردنجه گلور گور نه تماشایه خلایق
.
.
مشغول ایله خلقی اوزیوه ای شه عطشان
تاگورمیه لر زینبی محزون و پریشان
معجر یرینه زلفوم اولوبدی یوزه افشان
باخ گور نجه مملودی پیرامن کوفه
پیشوازہ گلوبدی هامو مرد و زن کوفه
.
.
هر لحظه که من ایسترم ایلوم سنه شیون
فورا باشمه قمچی ویرور ظلمیله دشمن
یوخ چاره دایانام بو غمه صبر ائدرم من
مانع دیله یا سیّدی گوز یاشیمه سنسیز
قمچی ویروری کوفه لیلر باشیمه سنسیز
.
.
ظلمیله حسین خویش ایلوندن آرالاندون
قرآن اوخیوردون نه سبب اولدی دایاندون
.
.
سن قانه بویاندون داخی من جاندان اوساندیم
منده باشیمى محمله ویردوم یارالاندیم
.
.
گوردوقجه سنی گوزدن آخور عارضه قان یاش
سن نیزده من ناقه ده نیلوم من کلباش
سن آغلا منیم حالیمه منده سنه قارداش
بیچاره لرون چون ایشی فریاد و فغاندی
قارداش گوزل آدون باجوا ورد زباندی
.
.
ایلردی او گونلر که آتام بوردا خلافت
گورماقه هامو زینبی ایلردیله حسرت
ایمدی ولی قول باغلی ایدور جمله شمادت
یوخ کیمسه وئرن زینب نالانه تسلّی
هر دم ویروری قمچی بو گریانه تسلّی
.
.
قان اولدی گوگل بو دل سوزانوه بیر باخ
تنها دیمورم غمکش هجرانوه بیر باخ
آچ باری گوزون دختر نالانوه بیر باخ
یوخ معجری باشدا آنام اوغلی تالانوبدی
سن تک باجون ئولسون اودا جاندان اوسانوبدی
.
.
عالمده علومی نه گوزلدی بیله عادت
بی قال اولاسان گورمیه سندن بیری زحمت
اظهار تکبّر ایلین کسلره لعنت
تاپمازلا حقیقت یولین اولمازلا خردمند
(این مدعیان در طلبش بی خبرانند)
.
.
.
#کوفه_علومی_تبریزی
#قان_پرده_سی_مه_یوزده_سالوب_هاله_یارالی
#ترکی
.
✍️ #زبدةالاشعار ✍️
.
🆔: @nohe_torki
نظر دهید