قبروه زوّارم ای سلطان مظلومان سنون #رضویه_علی_اکبری

زبانحال زائر امام رضا(ع)
.
✍️ #زبدةالاشعار ✍️
.
🆔: @nohe_torki
.
علی اکبر علی اکبری اُشتبین
.
قبروه زوّارم ای سلطان مظلومان سنون
روضۀ باغ جناندور طاق ایوانون سنون
.
گنبد و گلدسته ون نوری دوشوبدور چوللره
مست ایدور عشّاقوی اول عطر ریحانون سنون
.
جنّتی حتماً سنون عطرون معطّر ایلیوب
عالمون بیر قرنینه لایقدی بیر آنون سنون
.
سن رضاسن راضی اولدون حکم حیّ داوره
عالمه معلوم اولوبدور لطف و احسانون سنون
.
ایگلدیم اوپدیم گوزل قبرون زیارت ایلدیم
جنّتی حیران ایدوبدور باغ رضوانون سنون
.
سن آنان زهرا جانی اسلامیانه قیل نظر
یوخدی شبهه جاریدور هر یرده احسانون سنون
.
جان وئرن ساعت رضا جان درک قبل زوّاروی
ایسته تا عفو ایله سون عصیانی یزدانون سنون
.
ملت ایران عزیزا عشقوون نالانیدور
سنده گل احسان ایله کاملدی احسانون سنون
.
عرصۀ دنیاده قویما تک قالا عشّاقوى
سن بولورسن وار نقدری یار نالانون سنون
.
لیک صد افسوس جدّون روضه سی پژمرده دور
باغلی دور یولّاری قبر جدّ عطشانون سنون
.
کاش اولیدوخ کربلاده زائر قبر حسین
اوردادا گریان اولیدوخ مثل زوّارون سنون
.
بیزده بیر لای لای دییدوخ اصغرون قنداقینه
ساخلیوبدور سینه سینده جدّ عطشانون سنون
.
.
.
#رضویه_علی_اکبری
#رضویه_مدح
#قبروه_زوارم_ای_سلطان_مظلومان_سنون
#ترکی
.
✍️ #زبدةالاشعار ✍️
.
🆔: @nohe_torki