زبانحال حضرت علی (ع) بر سر مزار حضرت زهرا سلام الله علیها
.
✍️ #زبدةالاشعار ✍️
.
🆔: @nohe_torki
.
سبک : ای حرمینه ناز ائدن … عطری گلور محرمون … واردی باشیمدا یا حسین …
.
.
عین اله قمری
.
قبروین اوسته مرتضی
اشکی رواندی فاطمه
من گئده بیلمورم ائوه
ائوده فغاندی فاطمه
.
.
.
شوره گلوبدی زینبون اوخشیور آغلیور سنه
درده گلوبدی سینه سی قلبنی داغلیور سنه
وای ننه وای دئیور بالون قلبیدن اوخشیور سنه
زینبوی گورن دئیور حالی یاماندی فاطمه
.
.
.
باخ سن علینون حالینه گور نجه حاله قالمشام
آند اولا قانلی سینوه من بو گجه قوجالمشام
حسرتیله قوجاخلیوب قبریوی عطرین آلمشام
نالم اوجالدی گوگلره عرشه دایاندی فاطمه
.
.
.
دورگئت ائوه عم اوغلی جان قویما حسینیم آغلاسین
ئولدی آناسی فاطمه قلبینی قویما داغلاسین
زینبیم اوخشاسین منه اشکین عذاره باغلاسین
بیلمیه بلکه دورت بالام سینه سی قاندی فاطمه
.
.
.
فاطمه جان دوروم گئدیم ایندی حسینون آغلیور
دولدوروب اشکیله گوزین ایندی عذاره باغلیور
باخولّ سن یاتان یره حسینده سینه داغلیور
اوخشیور ایندی زینبون اشکی رواندی فاطمه
.
.
.
قالدی ئورکده حسرتون محسنه صود وئرنمدون
آلمادون هیچ قوجاقیوه محسنی دیندیرنمدون
نسگل اولوبدی چوخ منه سن یوزونی گورنمدون
دشمن هجوم ائدن زمان قانه بویاندی فاطمه
.
.
.
دورت گل نورسون سنون فاطمه ائوده آغلیور
شوره گلوبدی زینبون قلبنی ایندی داغلیور
قاره گیوبدی اگننه باشینه قاره باغلیور
روحیوی یولّ سن ائوه غملی زماندی فاطمه
.
.
.
ائوده دیور حسن حسین اشگی عذاره باغلیاخ
قاره گیاخ باشه وُراخ بو غمه سینه داغلیاخ
باغلا قاپونی سن هله قوی داخی گیزلین آغلیاخ
مخفی بو آغلاماخلیقا راضی اولاندی فاطمه
.
.
.
زینبون اوخشیور باخور ئوز آناسی دوران یئره
گاهی چخور باخور گنه محسنی سقط اولان یئره
سسلور آنام وای آغلیور غملی آنا یاتان یئره
اوتدیقی یرده قیل نماز وقت اذاندی فاطمه
.
.
.
قبروین اوسته فاطمه ایندی فغانه گلمشم
دردیمی من دئمک لیگه ایندی بیانه گلمیشم
سینه می یاندیروب غمون فاطمه جانه گلمیشم
عالمه نسگلون سنون گون تک عیاندی فاطمه
.
.
.
” زهدی ” یاز آغلا ایسته سن دریوین ئوز دواسینی
اوغلی حسینه وئر قسم ایسته گیلن شفاسینی
واسطه قیل شفاعته سن بو حسین آناسینی
حشریده قیدیوه سنون چونکه قالاندی فاطمه
.
.
.
#سبک_واردی_باشیمدا_یا_حسین
#سبک_ای_حرمینه_ناز_ائدن
#سبک_عطری_گلور_محرمون و …
.
.
.
#فاطمیه_شهادت
#قبروین_اوسته_مرتضی_اشکی_رواندی_فاطمه
#عین_اله_قمری
#ترکی
.
✍️ #زبدةالاشعار ✍️
.
🆔: @nohe_torki
نظر دهید