زبانحال حضرت امام رضا (ع)
.
✍️ زبدة الاشعار ✍️
.
🆔: @nohe_torki
.
مرحوم عاصم تبریزی
.
قبریدن آنا باش گوتوربوگون
طوسیده اولان ماجرانی گور
غربت ئولکه ده زار و ناتوان
ظلمیله ویرن جان رضانی گور
.
.
ای آنا نجه گورعدو ایدوب
ظلمیله منی باغریقان بو گون
زهرکینیله یاندی لبلریم
دلده قالمیوبدی توان بو گون
دمبدم اولور زرد صورته
اشک حسرتیم چون روان بوگون
گل اؤزون آنا باشیم اوستینه
بیرجه بو دل ناتوانی گور
.
.
یوخ آنا بوگون ائل فبیله دن
بیر نفر اولا غم آلان منه
نه یانیمدادور مهربان باجیم
بو زمان اولا هم زبان منه
شهر طوسیده بیر نفر اولا
اهل دل اولان جانفشان منه
یوخ یانیمدا بیرمهربان منه
غصه دن اولان باغریقانی گور
.
.
زهرکین آنا قلب زاریدن
طاقت و توانائیمی آلوب
فرقت جواد بو یانان دله
دمبدم آنا بیر شرر سالوب
گلموری ندن بُلموری مگر
گوزلریم اونا منتظر قالوب
تا گله اونا بیر دیم اوغول
لبلریمده کی لخته قانی گور
.
.
یوخ باشیمدا بیر مهربان آنا
بو زمان منِ زاره آغلیا
باش آچوب یوزه اشکینی توکه
بیله وقتیده سینه داغلیا
گوزلریمی یوخ بیر نفر آنا
جان ویرن زمانیمده باغلیا
جان ویرور قوری تپراق اوسته گل
بی انیس و بی مهربانی گور
.
.
ایلورم وداع بو جهانی من
گلمدی جواد یانّام آغلارام
کیم ایدر منه غسل و یا کفن
گلمدی جواد یانّام آغلارام
گل آنا اوزون باشیم اوسته سن
گلمدی جواد یانّام آغلارام
اوج ایدر نجه عرشه طوسیده
متصل بوگون بیر فغانی گور
.
.
خوشدور ای آنا جان ویرن گوره
باشی اوسته اوز مهربانینی
هم کنارینه جان کیمی آلا
راحت ایلیه خسته جانیمی
پاک ایده محبتله دیده دن
متصل آخان اشک آلینی
لطف ایله آنا ایلیوم بیان
دلده کی اولان بو نهانی گور
.
.
آه آه آنا یاندی تازه دن
غصه لی دلیم بیر شراریدن
دوشدی یادیمه جدیمی او دم
سالدی کوفیان اختیاریدن
نیزه اوخ قلج اود ووروبدولار
فرقۀ لعین هر کناریدن
رحم ایدن اونا اولمادی او گون
سنگدل آنا اشقیانی گور
.
.
آل حیدرین غملری آنا
حشره تک چتین سینه دن گیدر
خاصه جدیمین کربلا غمین
فکر ایدن آنا سینه چاک ایدر
لیک «عاصمه» شام و هم سحر
شغل اولوب یوزه اشکِ تر توکر
اوج ایدر اونون عرشه ناله سی
بزم غمده گل آه و وانی گور
.
.
#سبک_ساخلا_ناقه_می_کاروانیدن (بیش از 8 سبک زنجیر و سینه زنی)
.
.
#رضویه_شهادت
#قبریدن_آنا_باش_گوتور_بو_گون_طوسیده_اولان_ماجرانی_گور
#عاصم_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید