قبریوه جانیم فدا یا علی موسی الرضا #رضویه_محمدرضاصادقی

التجاء محضر حضرت امام رضا علیه السلام
.
✍️ زبدة الاشعار ✍️
.
🆔: @nohe_torki
.
#سبک_ای_گل_مینای_من
.
محمد رضا صادقی
.
قبریوه جانیم فدا
یا علی موسی الرضا
دردیمه ایله دوا
یا علی موسی الرضا
.
دعوت ایله هجریدن اودلانمیشام آقا
کیم دییوب موسی الرضا من یانمیشام آقا
.
یا علی موسی الرضا یا علی موسی الرضا (2)
.
.
.
خاک طوسی سن عجب
ایلدون دارالشفا
کیم گلوب پابوسیوه
اولدی هر غمدن رها
.
من فقط اول قبریوین محتاجیم والله
کعبه سیز چون طوسیده من حاجیم والله
.
یا علی موسی الرضا یا علی موسی الرضا (2 )
.
.
.
گون سنی تکریم ائدر
آی باخوب تعظیم ائدر
گردشینده طوسیدن
مشق آلار تنظیم ائدر
.
آی ستاره گون گلر نورین سالار طوسه
بلکه بیر دفعه وورا گل دسته وه بوسه
.
یا علی موسی الرضا یا علی موسی الرضا (2)
.
.
.
قبر پاکونده سنون
مین ملک پرواز ائدر
هر یره گئتسه گلر
طوسیدن آغاز ائدر
.
چون وئررسن حکمی نی گویده اولا اجرا
پای حکمونده گرک سندن اولا امضا
.
یا علی موسی الرضا یا علی موسی الرضا (2)
.
.
.
جان وئرنده لطف ائله
گل آقا تدفینیمه
تاپشوراندا قبریمه
حاضر اول تلقینیمه
.
« صادقی » عمری گئدور اولموش آقا غمگین
قبریده وار قورخوسی جرمی اولا سنگین
.
یا علی موسی الرضا یا علی موسی الرضا (2)
.
.
#رضویه_مدح
#قبریوه_جانیم_فدا
#ترکی
.
✍️ #زبدةالاشعار ✍️
.
🆔: @nohe_torki