اربعین – زبانحال حضرت زینب علیها سلام
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
مشابه
.
مرحوم سید حسین کهنموئی (ریاضی تبریزی)
.
قبر پاکوندور حسینیم طور سینا زینبه
نور حق موسی کیمی ایلر تَجلّا زینبه
.
.
جذبۀ عشقیله من بو سرزمینه گلمیشم
تشنه لب سرچشمۀ ماء معینه گلمیشم
کوفه و شامی دولاندیم اربعینه گلمیشم
شکر اولا یاخشی یتیشدی فیض عظما زینبه
.
.
سعی ایدردی اهل باطل اهل حق پامال اولا
خلقی بیدار ایلیین حقّی دیین دیل لال اولا
اوز مرام باطلین اجرا ایده خوشحال اولا
حمد لله کشف اولوندی بو معما زینبه
.
.
منده سنله شرکت ایتدیم حق سوزین اجراسینه
عامل اولدوم ایتدیقیم اوز عهدیمین ایفاسینه
امتحان وئرماقه گلدیم کربلا صحراسینه
اولدی زهر درد و غم شهد مصفّا زینبه
.
.
سن شهید اولدون داغیتدون ظلم تشکیلاتنی
من اسیر اولدوم ایدم حق دینینون اثباتنی
اوز بیاناتیمده ایتدیم باطلین اسکاتنی
هر نه ظلم ایتمیشدیلر اولدی گوارا زینبه
.
.
اولدی بیر جشن ورود آل طاها کوفه ده
اَلده ساز و دف گلن ایتدی تماشا کوفه ده
کوفه اهلین ایلدیم نطقیمده رسوا کوفه ده
ایلمیشدی حق عطا بیر نطق گویا زینبه
.
.
ایلدی مرجانه اوغلی مجلسینده اذن عام
هرکس و ناکس یانیندا ائتدی هتک احترام
مست می بیر اَلده چوب خیزران بیر الده جام
باشیوه توهین ایدوب ایلردی ایذا زینبه
.
.
سویلدی زینب بولوردی قارداشون ناحق بیزی
حمد لله ایلدی خالق عجب رسوا سیزی
گوزلروزده تیره شام ائتدی ایشقلی گوندوزی
اولدی تا روز درخشان لیل یلدا زینبه
.
.
من دئدیم مرجانه اوغلی ایلمه چوخ افتخار
ظالمه بیر نچّه گون مهلت ویرر پروردگار
عاقبت رسوا ایدر اسرارین ایلر آشکار
حق وئرر، ایلر قضاوت دار دنیا زینبه
.
.
اهل کذب و افترا سنسن امیروندی یزید
پاک و پاکیزه بیزی ایتدی خداوند وحید
شأنیمیزده آیۀ تطهیر قرآن مجید
نازل اولدی، اورگدوب اوز جدّی طاها زینبه
.
.
بیرده قارداش چوخ یزید بی حیادن شاکیم
سن بولورسن دین حقّین عاشق بی باکیم
شامده ئولدی رقیه من اونون غمناکیم
ماتمینده وئرمدی بیر کس تسلّا زینبه
.
.
جان ویرنده فرقتونده دیده سی گریان اولوب
خط سیرون مشی ایدوب اوز دینینه قربان اولوب
غنچه دن تازه آچلمیش گل کیمی خندان اولوب
ایلدی برپا او یرده حشر کبرا زینبه
.
.
جان وئرن وقته دیدی عمّه نیه گلمور بابام
باشیمه چکمور الین گوز یاشیمی سیلمور بابام
یا منیم ئولماقیمی ویرانه ده بیلمور بابام
صون نفسده بو دیلیله ایتدی شکوا زینبه
.
.
سویلدی عمّه اگر جان تاپشورام بو یرده من
اولماسا غسل و کفن شام اهلینه یالوارما سن
اشکویله غسلومی ویر زلفیوی ایله کفن
عرض ایدیم منده جزا ویرحقِّ یکتا زینبه
.
.
«کهنموئی» آچ بصیرت گوزلرین ایله نظر
حق و باطل اهلنون اول آخریندن باخبر
درس عبرت وئرماقا کافی دگول بو سوز مگر
حوریان خادمدور عَمَّه ن دخت زهرا زینبه
.
.
#قبر_پاکوندور_حسینیم_طور_سینا_زینبه
#ترکی
.
✍️ #زبدةالاشعار ✍️
.
🆔: @nohe_torki
نظر دهید