قدح، بی باده حُکماً ساغراولماز #حیدریه_مصیبی_تبریزی

مدح حضرت علی (ع)
.
✍️ زبدة الاشعار ✍️

?: @nohe_torki
.
محمد علی مصیبی تبریزی
.
قدح، بی باده حُکماً ساغراولماز
همای عشق بی بال و پر اولماز
ولایت گلشنینده صرصر اولماز
یریندن کیم دورا نام آور اولماز
علی حقّین دانان تاج سر اولماز
مین ایل بوبکر قالسا،حیدراولماز

.
.
یارالدیب عالمی خلاق داور
مُزیّن نورینه ائتمیش سراسر
اولوب چوخلارفروغ عشقه منظر
گلوب یوسف کیمی دهره گوزللر
گینه گلسه اگر مین حوره بنزر
بیزیم مولایه بیرکس بنزر اولماز

.
.
گوروب بس پهلوانلار دور ِعالم
هامی دُلدُل سوار و میر و مُعْظم
جسارتده شجاعتده مصمّم
گله مین مارد و مرحب چو باهم
ویا گَرشاسْب وسهراب و رستم
علی شاگردی مالکدن سر اولماز

.
.
ولی الله اعظم میر خیبر
مسیحایه وئرن دم ، دینه سرور
یوزی مرآت جان ساقیِّ کوثر
اونی خلق ائتدی بوعنوانه داور
به جز شیر شجاعت یعنی حیدر
خانم زهرایه لایق همسر اولماز

.
.
علی مصباح برج هل اتیٰ دی
علی تفسیر حکم لافتیٰ دی
گواه مُتْقن ِ خِیرالنّسادی
کلام الله ناطق دی به جادی
علی تنها یل خیبرگشادی
گله مین صف شکن بیرصفدراولماز

.
.
علی دور شاهکار خلق ایزد
علی دور وامدار تاج امجد
علی دور چلچراغ برج سرمد
علی دور نائب بر حقّ احمد
علی دور قائم دین محمد
به جزِ حیدر بو حُکمه مفخراولماز

.
.
علی دور بیشۀ عرفانه عنقا
علی دور مَطلع ِاسماءِ حُسنیٰ
همان صبح بَیاض لیل یلدا
همان میر ِشجاعت شیر هیجا
منزّه سینه سی بحر تولّا
که کشتیِّ ولا بی لنگر اولماز

.
.
علی بنیانگر مُلک ولادی
علی سلطان و میر اولیادی
کرامت معدنی کان سخادی
همای افتخار لا یُریٰ دی
ئورکلرده یازیلمیش حیدر آدی
بو آدی ذکر ائدنلر مُضطراولماز

.
.
شریعت لوحینه معنادی شیعه
ولایت جامینه صهبادی شیعه
دئنن منظومۀ تقوادی شیعه
شرفده صدقیده تنهادی شیعه
بوتون مسلک لره آقادی شیعه
بونا غیر ازعلی تاج سر اولماز

.
.
یغیشسا بیر یره گر حنبلی لر
اشاعر ، ماترید و شافعی لر
وهابی ، اعتزال و ظاهری لر
خوارج ، مِرجئه یا مالکی لر
ترازویه قویولسا ناصبی لر
شرفده همتراز قنبر اولماز

..
دئنن آقای سُنّی کامه چاتسان
زر و زوری بوتون احکامه قاتسان
اوعثمان کوینگین قانه بویاتسان
او پرچم کی واریزعرشه اوجاتسان
((ابوبکروعمر،عثمانی ساتسان))
بهای تار ِ موی حیدر اولماز

.
.
«مصیّب» ایلیَر احساسین اعلام
کریمی دن آلار شعرینده الهام
هدف بیر بیله ذکر قول و احکام
بودور سُنّیلره بیز اولمیاخ رام
دیاخ بولسونله هرصبحیله هرشام
ابوبکر و عمردن رهبر اولماز

.
.
#حیدریه_مدح
#قدح_بی_باده_حکما_ساغر_اولماز
#مصیبی_‌تبریزی
#ترکی
.
✍️ #زبدةالاشعار ✍️

?: @nohe_torki