قرآن سسون آفاقی سالوب حیرته قارداش #کوفه_خادم_تبریزی

کوفه
.
✍️ #زبدةالاشعار ✍️
.
🆔: @nohe_torki
.
مرحوم احمد پورعطا (خادم تبریزی)
.
قرآن سسون آفاقی سالوب حیرته قارداش
قرآن اوخی قرآنی دانان ملته قارداش
ای ناطق قرآن
عمروم سنه قربان
.
.
قرآن تانیان ملت امام ئولدوره بلمز
امضا ویره بلمز بوقدربدعته قارداش
.
قرآندن اؤتری باشوی جانوی ویردون
آلدون بوگوزل دینی عجب قیمته قارداش
.
یالقوز الیلن کفره مقابل نجه دوردون
حیراندی هامی سن ایلین نهصته قارداش
.
اثبات ایلدون کفرنی عالمده یزیدون
رسوادی بوگون خلقی سالان شبهته قارداش
.
یحیاده بومعجزآنام اوغلی گورن اولماز
عیسایه ورور دم یتورور عزته قارداش
.
حاشا بو فصاحتده باشا بدر دییم من
تبلیغ ایدور اسلامی گلور صحبته قارداش
.
کل اوسته باشون یاتدی گجه خولی ایوینده
چخدون بومناجاته همین علته قارداش
.
گمراه جماعت صدقه ایستوری ویرسون
بولمولّه حرامدی حرم عصمته قارداش
.
سن قانلو باشون نیزده من ناقه ده سالم
دل ویرممشم منکه بله شرکته قارداش
.
«خادم» بومرام اوسته گرک ذلته دوزماق
حق ایستوین عاشق که دوزر ذلته قارداش
.
#کوفه_خادم_تبریزی
#قرآن_سسون_آفاقی_سالوب_حیرته_قارداش
#ترکی
.
✍️ #زبدةالاشعار ✍️
.
🆔: @nohe_torki