زبانحال حضرت رسول اکرم (ص)
خطاب به دخترش در دم واپسین
.
✍️ #زبدةالاشعار ✍️
.
🆔: @nohe_torki
.
#سبک_علی_جان_بالا_لبیک
.
مرحوم تائب تبریزی
.
قزیم ایلمه ناله بیله آغلاما زهرا
بیله باتما ملاله بیله آغلاما زهرا
.
.
بیله حالوی پوزما بیله دیده تر اولما
گلوب شور و نوایه بولود تک بیله دولما
خزان ایتمه بهارون بیله گل کیمی سولما
قزیم ایلمه ناله بیله آغلاما زهرا
.
.
دوتار عالمی حسرت دلونده کَدر اولسا
سولار گلشن عالم یوزون گل کیمی سولسا
دولار اشگیله گوزلر گوزون اشگیله دولسا
قزیم ایلمه ناله بیله آغلاما زهرا
.
.
یانار دل بالا سینَن بلا ناری یاخاندا
داشار بحر مصیبت یوزه اشگون آخاندا
منه حسرت اولور سن بو حسرتله باخاندا
قزیم ایلمه ناله بیله آغلاما زهرا
.
.
هله آلمیوب الدن قزیم حقّوی امّت
هله آچمیوب اعدا سنه دست عداوت
هله ایلمیوبلر سنه طعن و شماتت
قزیم ایلمه ناله بیله آغلاما زهرا
.
.
هله وئرمه موسن یر بلایه گوز ایوینده
هله جور و جفادن سنون یوخ سوز ایوینده
هله دؤیمیوب اهل عداوت ئوز ایوینده
قزیم ایلمه ناله بیله آغلاما زهرا
.
.
باشوندان قزیم آشموب بلانین هله سیلی
او گل عارضه دوشموب هله نقشۀ سیلی
هله قمچیلر ایتموب سنون جسموی نیلی
قزیم ایلمه ناله بیله آغلاما زهرا
.
.
هله غصه لر ایتموب سنون روحوی خسته
هله فاطمه قالموب قاپون ظلمیله بسته
هله ایلمیوبلر بو پهلووی شکسته
قزیم ایلمه ناله بیله آغلاما زهرا
.
.
دوتوب نه گره عم قزیم زُهره جبینون
جفائیله نه مجروح اولوب صدر حزینون
ایدوب درک شهادت نه بطنونده جنینون
قزیم ایلمه ناله بیله آغلاما زهرا
.
.
هله قالمیوب آغلار ایکی نور دو عینون
هله قالمیوب آج بو گل ئوزلی حسنینون
هله گل کیمی سولموب بو شیرین دیل حسینون
قزیم ایلمه ناله بیله آغلاما زهرا
.
.
اگر چه گُل تر تک فراقیمده سولارسان
بهار ابری کیمی سن غم و درده دولارسان
یاخونلیقدا غم ائتمه منه ملحق اولارسان
قزیم ایلمه ناله بیله آغلاما زهرا
.
.
او ساعت که جهانی قزیم گوزدن آتارسان
مزارون یاخونومدا دوشر کامه چاتارسان
علاقون منه چوخدور جواریمده یاتارسان
قزیم ایلمه ناله بیله آغلاما زهرا
.
.
#پیامبراسلام_تائب_تبریزی
#پیامبراسلام_شهادت
#قزیم_ایلمه_ناله_بیله_آغلاما_زهرا
#ترکی
.
✍️ #زبدةالاشعار ✍️
.
🆔: @nohe_torki
نظر دهید