ورود به مدینه
✔️ سوال و جواب حضرت ام البنین (س) با حضرت زینب (س)
.
✍️ زبدة الاشعار ✍️
.
🆔: @nohe_torki
.
مرحوم قمری
.
✔️ حضرت امّ البنین (س)؛
قزیم زینب هانی شاه زمانه
اولان جدّی پیمبردن نشانه
سرور سینه زهرا حسینیم
نه اولدی سوله من بی خانمانه
.
✔️ حضرت زینب (س)؛
آنا سولدی او صحراده گلستان
زمین کربلاده قوپدی طوفان
حسینی کسدیلر لب تشنه قربان
بویاندی قوملار اوسته جسمی قانه
.
.
.
.
✔️ حضرت امّ البنین (س)؛
یانان قلبیم گینه قانیله دولدی
بنای طاقت و صبریم پوزولدی
امان زینب قزیم عبّاس نولدی
خبر ویر من علیل ناتوانه
.
✔️ حضرت زینب (س)؛
خبر آلسان اگر عبّاسی مندن
قالوب گُل پیکری عریان کفندن
قلم اولدی قولی دوشدی بدندن
دونوب گُل جسمی قاندان ارغوانه
.
.
.
.
✔️ حضرت امّ البنین (س)؛
گئدنده کوفیه ای جان مادر
آپارمیشدون بالام سکّز برادر
اولار قالسون هانی شهزاده اکبر
نولوب اول یوسف عصر و زمانه
.
✔️ حضرت زینب (س)؛
ئولوب قارداشلاریم شهر وطن سیز
جداده باشلاری گزدی بدن سیز
علی اکبر بالام ئولدی کفن سیز
چیخوب آهیم او چولده آسمانه
.
.
.
.
✔️ حضرت امّ البنین (س)؛
اوزولدی اللّرون آل عبادن
یانونا کیم قالوب بس اقربادن
هانی قاسم نشاندور مجتبادن
گتور بیرجه اونون حالین بیانه
.
✔️ حضرت زینب (س)؛
دوتوب طوی قاسمه شاه شهیدان
او طویدا انبیالر آغلادی قان
اوزی ئولدی اوطاقی اولدی تالان
عروسین ایتدیلر شامه روانه
.
.
.
.
✔️ حضرت امّ البنین (س)؛
نچون رنگون سولوب نطقون چکیلمیش
آغارمیش ساچلارون افشان توکولمیش
هلال نو کیمی قدّون بوکولمیش
دونوبدور رنگ رویون زعفرانه
.
✔️ حضرت زینب (س)؛
سولوب رنگیم حسیندن آیریلندن
آغاردی ساچلاریم عبّاس ئولنده
آنا نعشی علی اکبر گلنده
بوکولدی قامتیم دوندی کمانه
.
.
.
.
✔️ حضرت امّ البنین (س)؛
یقین بیلدیم خراب اولدی مدینه
قیروب آل علی نی اهل کینه
هانی بس بلبل ماتم سکینه
نه گلدی آخر اول شیرین زبانه
.
✔️ حضرت زینب (س)؛
سکینه داغلادی کُلاًّ جهانی
باتوردی یاسه اولاد عبانی
قوری یرلرده حسرت ویردی جانی
دونوب گلزار عمری تئز خزانه
.
.
✔️ تخلص؛
قرا گونلرده قالدی آل اطهار
حسیندن صورا مین درده گرفتار
اولوب «قمری» بو ماتمده عزادار
گلور دایم گوزی یاشلی فغانه
.
.
#ورود_مدینه_قمری
#قزیم_زینب_هانی_شاه_زمانه
#ترکی
.
✍️ #زبدةالاشعار ✍️
.
🆔: @nohe_torki
نظر دهید