زبدةالاشعار

قلبووی پاک ایله نیرنگ و ریادن نه چیخار

پندیات
.
✍️ زبدة الاشعار ✍️

?: @nohe_torki
.
موسی آقایی اردبیلی
.
قلبووی پاک ایله نیرنگ و ریادن نه چیخار
خیل احراره قاریش جمع دغادن نه چیخار
.
سنی الله اوزونه یرده نماینده قویوب
بیر حلال کسبه باخ ای حاجی ربادن نه چیخار

معنی واژه ی توحیدی اگر آنلاماسون
ایلده بیر یول سفر بیت خدادن نه چیخار
.
محرم ایله اوزووی سعی ایله دل کعبه سینه
باشا دگمیش گل و سنگیله بنادن نه چیخار
.
صاحب خانه نی تاپ ایله زیارت نه ایوی
سیر ایله اوج ثریاده سرادن نه چیخار
.
سیم و زردن ساری هر ارذله تعظیم ایلمه
دوت حسینین اتگیندن، طلقادن نه چیخار
.
قورخولی بیر سفرون وار اوزووه توشه قازان
یوخسا دالدان گلن احسان و دعادن نه چیخار
.
صادق انسانه گرک دهریده قیمت ویریله
گونده بیر رنگه دوشن بی سر و پادن نه چیخار
.
چیخماسون ظالم دورانیله « موسی » جدله
تاپدا هی باشووه هیئتده نوادن نه چیخار
.
کینیه قلبیده یر ویرمه حقیقت طلب اول
اوزووی ایله صفا اهلی جفادن نه چیخار

متن پیشنهادی:  اماندور تیز یتیش داده قالوب یولدا گوزوم قارداش #عباسیه_سعدی_زمان

.
#پندیات
#قلبووی_پاک_ایله_نیرنگ_و_ریادن_نه_چیخار
#موسی_آقایی
#ترکی
.
✍️ #زبدةالاشعار ✍️
?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی