زبدةالاشعار

قلمیم باشلادی نام حق سبحانیله #اکبریه

مناظره حضرت علی اکبر(ع)بابکرملعون
.
✍️ زبدة الاشعار ✍️

?: @nohe_torki
.
ابوالفضل فرهنگی
.
قلمیم باشلادی نام حق سبحانیله
قالب مثنویده یازدی بو عنوانیله
.
دئدیم ای رب جلیل اکبره لایق نه یازیم
اشبه حضرت پیغمبره لایق نه یازیم
.
فوری ذهنمده بونوعی چکیلوب تصویره
اکبرین جنگینی گتدیم بورقم تحریره
.
بکریله شبه پیمبریتشوب بیربیرینه
ایله بیل مرحب وحیدریتشوب بیربیرینه
.
فرصتی ایتمدیلرفوت مبارزطلبان
جنگ لفظ ائتدی ازل بکریله اکبر اوزمان
.
اودئدی سویله گوروم تزمنه نام ونسبین
فخریله شبه نبی سایدی اونا جد و ابین
.
اوجسارتله دئدی لشکره سردارم من
بوبیـوردی نوه حیــدر کرارم من
.
اودئدی کیمدی آتان ذکر ائله باصوت جلی
بو بیوردی آتامون آدی حسین ابن علی
.
اودئدی بنده یزید عشقنه خاطر خواهم
بو دئدی فخر ائدورم شبه رسول اللهم
.
اودئدی حب یزید عشق ومرامیمدی منیم
بو دئدی فاطمه نون اوغلی امامیمدی منیم
.
اودئدی شمر و سنان مثلی هواداریم وار
بودئدی قاسم شهزاده کیمی یاریم وار
.
اودئدی واربیرآقام غم گونی یولداشیمدی
بودئدی واربیر عموم ماه بنی هاشمدی
.
اودئدی شاهنه ئوزجانین ائدن بذل منم
بودئدی فخریله شاگردابوالفضل منم
.
اویزیدین دئدی رفتارینی سرمشق ائلرم
بو دئدی منده ابوالفضل عموما عشق ائلرم
.
اودئدی سعی ائدرم کاسه صبرین جالارام
بودئدی غیضه گلم پیکریوه اود قالارام
.
اودئدی امر ائلسم لشکریم اطرافون آلار
بو دئدی اصغرین آهی جانوا رعشه سالار
.
اودئدی دقتیله باخ یوزومه بکرم من
بودئدی دشمن سرسخت ابوبکرم من
.
او دئدی مشکله سالام سنی ای ماه لقا
بودئدی مشکله دوشسم دیرم یازهرا
.
اودئدی ایندی سنی ئولدوررم یا ئولرم
بودئدی پیکریوی اورتادان الآن بولرم
.
اودئدی واریری من سوزلریوه ایندی گولم
بو دئدی گردنوی ورماسام اکبر دگولم
.
بکره اکبر دئدی الآن اورگین قان ائدرم
سنی بیرضربتیله وارد نیران ائدرم
.
نحس انداموی شمشیریله منشق ائدرم
اوجهنمده کی اجدادیوه ملحق ائدرم
.
بکریله شبه پیمبر او قدر جنگ ایلدی
بکره آخرده علی عرصه گهی تنگ ایلدی
.
باطل ائتدی اوجفا پیشه نون آینده سینی
آخرین ضربتیله باغلادی پرونده سینی
.
عطش افسوس او مولانی ایاقدان سالدی
بی حیا کوفه لیلر دورینی فورا آلدی
.
مرکبیندن یره شام اهلی او مولانی سالوب
اوخ وران نیزه ورانلار اونون اطرافین آلوب
.
هرطرفدن آقانون یولارینی باغلادیلار
خامس آل عبانون اورگین داغلادیلار
.
گوزلریندن ایراق اولسون عموسی عباسین
یخدیلار اکبرینی دوغرادیلار اعضاسین
.
اونا خاطردی اوغول پیکرینی گورجک حسین
دیزلری اسدی یخلدی ایلدی شیون وشین
.
باخدی اطرافه گوروب توز بوریوب میدانی
بیر طرفده بالاسی ترک ایلیوب دنیانی
.
آتا گلدی بالانون آلدی دیز اوسته باشنی
دوغرانان پیکره باخدی الدی گوز یاشنی
.
گوزی دیجک بالانون یاره لنن گوز قاشنا
دئدی سندن صورا دنیانون اوغول کول باشنا
.
آچ بالا گوزلریوی گوزدن اوغول آتما منی
ال چالور دوره ده دشمنلریم آغلاتما منی
.
صورا یوز دوتدی علمداره دئدی یاریم گل
دوغریوبلار بالامون جسمنی غمخواریم گل
.
یری وار ایندی بو نحویله یازا فرهنگی
آلدی مولا سسینی کرب وبلا سرهنگی
.
گلدی میدانه شریک اولدی حسینون یاسنا
اکبرین پیکرینی یغدی عبا اورتاسنا
.

متن پیشنهادی:  گلدی امید اهل ولا #فاطمیه_بیدقداری

#اکبریه_شجاعت
#قلمیم_باشلادی_نام_حق_سبحانیله
#فرهنگی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی