قم شهرینه ایله گذر فرصتدی قارداش #حضرت_معصومه_اعظمی_تبریزی

زبانحال حضرت معصومه سلام الله علیها
.
✍️ زبدة الاشعار ✍️
.
🆔: @nohe_torki
.
سبک :: ای درد بی درمانلارا درمان اباالفضل …
.
مرحوم اعظمی تبریزی
.
قم شهرینه ایله گذر فرصتدی قارداش
جان اوسته معصومه سنه حسرتدی قارداش
.
.
یرده یوزوم، یولدا گوزوم، سینمده نامه
من بی کسی قان آغلادان فرقتدی قارداش
.
.
عالم سنی غمده منه یولداش یازاردی
بو شرح حالی یوزده کی قانیاش یازاردی
گوزیاشیم آخدوقجا یوزه قارداش یازاردی
قارداش دیوب من آغلارام مدّتدی قارداش
.
.
سنگ فراقی چرخ دون آتدی اوزاقه
آدون دلیمده، روز و شب یاندوم فراقه
تا یِتمه میش من وصله، جان یتدی دوداقه
ایلوم نه چاره من یازی قسمتدی قارداش
.
.
وادی غمده دردیمه حیران قالاردیم
هردم بو زخم فرقته مرهم سالاردیم
گوزیاشلی نامندن سنون عطرون آلاردیم
دائم منه بو ناله هم صحبتدی قارداش
.
.
غمدن اَرینمیش بیر بدن قبره آپارّام
سندن نشانه بیر محن قبره آپارّام
بو نامه نی سینمده من قبره آپارّام
من بی کسه بو مایه ی عزّتدی قارداش
.
.
زوّار قبروندن گَلر توشه گوتورسون
آندور بو ناکامی اولار کامه یِتیرسون
قبرون توزوندان قبریمه بیر آز گَتیرسون
عطرون آلوم گوگوم سنه حسرتدی قارداش
.
.
باجی ویرنده جان، کسر قارداش کنارین
ویران اولِیدی گردش دور مدارین
سن طوسی مسکن ایلدون، من قم دیارین
یوخ چاره، بو غم جانیمه منّتدی قارداش
.
.
عشقونده بیمارم ولی من بی طبیبم
نه بیر گَلن وار نه گیدن آخِر غریبم
ایتمم گله ایلدن بو گون من بی نصیبم
غربتده جان ویرماق بیزه عادتدی قارداش
.
.
واردور یری بو غم شرر دنیایه سالسون
حقّ ایتسوب حسرت منیم گوگلومده قالسون
خوشدور باجی باشین دیز اوسته قارداش آلسون
هجران ملالی بیر یامان محنتدی قارداش
.
.
.
#سبک_ای_درد_بی_درمانلارا … 10 سبک
.
#حضرت_معصومه_شهادت
#قم_شهرینه_ایله_گذر_فرصتدی_قارداش
#اعظمی_تبریزی
#ترکی
.
✍️ #زبدةالاشعار ✍️
.
🆔: @nohe_torki