زبدةالاشعار

قولسوز دوشوب جسمون یره قارداش ابوالفضل #عباسیه_ثریا_تبریزی

زبانحال حضرت امام حسین(ع) در بالین برادر
.
✍️ #زبدةالاشعار ✍️
.
🆔: @nohe_torki
.
#سبک_ای_درد_بی_درمانلارا … 10 سبک
.
مرحوم سید احمد یاسر نجفی #ثریا_تبریزی
.
قولسوز دوشوب جسمون یره قارداش ابوالفضل
بیله ئولیدیم گورمییدیم کاش ابوالفضل
.
.
جاندان نقدری کسمموشدون سن علاقه
آشوب سالموشدی سسون ملک عراقه
گلدیم هرایه آچ گوزون بیر دور ایاقه
اولسون منِ قارداشسیزا پاداش ابوالفضل
.
.
چوخ فخر ایدردیم وار بابامدان یادگاریم
ئولدون سنیله گیتدی صبریم اختیایم
بلمم نجه سنسیز گیچربو روزگاریم
پنهان اولان اسراریم اولدی فاش ابو الفضل
.
.
دنیانی ترک ایتدون عجب سن گوزدن آتدون
تپراقلار اوسته جان ویروب نازیله یاتدون
باشون اوجالسین باشیمی گیتدون اوجاتدون
اولدون علیّ اکبره یولداش ابوالفضل
.
.
مندن سلام ایله بابام خیر الانامه
عرض ائت دیلیمجه اول شه والا مقامه
امّت جفاسیندن یتوب عمریم تمامه
احوالیمی شرح ایله باشا باش ابوالفضل
.
.
آلوده دور توز توپراقا چشم سیاهون
آلدی الیمدن صبریمی طرز نگاهون
غم چکمه ازّلدن بیله بو شاهراهون
تصویر ایدوبدور نقشینی نقّاش ابوالفضل
.
.
فیض شهادتله سنون آرتدی جلالون
امّا منی پژمرده حال ایتدی بو حالون
بلم سنی خورسند ایدر فکرو خیالون
دلدلره گوتدون تحفه قولسوزباش ابوالفضل
.
.
جانان یولوندا گر چه ال چکدون بو باشدان
منده ئولنجه چکمرم ال قانلی باشدان
بلّم گیچر آهیم اوخی آخرده داشدان
آغلار یاناربو حالیوه داغ داش ابوالفضل
.
.
جانه یتوشمزدون یقین تیر ستمدن
دوشدی قولون آخرده ال چکدون علمدن
ناله اوجالدی گوگللره اهل حرمدن
باشون کسر آخرده بو اوباش ابوالفضل
.
.
ایمدی بئلیم سیندی داخی گئتدی پناهیم
سندن صورا یوخدور داخی بیر دادخواهیم
رنگیم سارالدی اوج ایدوب افلاکه آهیم
گوردوم باتوبدور قانیوه گوز قاش ابوالفضل
.
.
دور گورجوابین ویر عمو سسلر سکینه
بلسه سو مشکون اوخلانوب نیلر سکینه
سو جامی الده سو یولون گوزلر سکینه
بو قتلگاهه یوز قویار بیر باش ابوالفضل
.
.
گوزلر که قورخوندان سنون قالموشدی بیدار
ایمدی تماماً بو گیجه راحت یاتالّار
گیتدون اوزون قویدون منی زرو دل افکار
واردوریری گوزدن توکم قانیاش ابوالفضل
.
.
تاثیر ایدن قلبیمده قارداش بیر بو غمدور
سقّا ویره لب تشنه جان جوخ چوخ ستمدور
گوردوم قلم تک قولّارون یرده قلمدور
توکدی سرشکین دیده ی خونبارابو الفضل
.
.
ایلر «ثریّا» آرزو هر آن و ساعت
کرببلانی ایلیه قارداش زیارت
ایله اونا بو وقفه ی قربانی قسمت
قبریندن ایتسین گوزیاشین شاباش ابوالفضل
.
.
#عباسیه_شهادت
#قولسوز_دوشوب_جسمون_یره_قارداش_ابوالفضل
#ترکی
.
.
✍️ #زبدةالاشعار ✍️
.
🆔: @nohe_torki

متن پیشنهادی:  ای خاکدن ائتمیش بشرین خلقتی احسن #مناجات

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی