میلادیه حضرت ابوالفضل (ع)
.
.
.
حاج #مجید_امینی تبریزی
.
#سبک_بزم_عزاده_گیمیشم
.
قویدی قدم بو عالمه حضرت عبّاس
آی تک اولوبدور جلوه گر صورت عبّاس
ایتدی بو دنیانی- نوریله نورانی
.
.
موسی کیمی محو ایلیوب نوره دنیانی
یمن قدومی دوندروب طوره سینانی
گلدی گتوردی سربسر شوره دنیانی
کونی معطّر ایلیوب نکهت عبّاس
.
.
بیر شیرزندن گلدی بو شیر دنیایه
گلسین نظیری چوخ چتین پیر دنیایه
اولسون مبارک مرتضی میر دنیایه
مولا علیدندور نه چون عزّت عبّاس
.
.
بیله گوهر گورموب گوزی بیرجه صرّافین
کیمده لیاقت وار ایده شرح اوصافین
شیر خدا امّ البنین آلدی اطرافین
به به نه قدری وار گورون رتبت عبّاس
.
.
وار قدّ شمشادی ایکی چشم شهلاسی
مین یوسفی حیران قویوب وجه زیباسی
اُپدی آتاسی مرتضی دست عبّاسی
دوشدی هامی دلدن دله صحبت عبّاس
.
.
گل صورتیندن منفعل قرص ماه اولدی
گورجاق جمالین خیره هر بیر نگاه اولدی
گر سروه اوخشاتدیم قدیم اشتباه اولدی
گلشنده سروه رشکدور قامت عبّاس
.
.
عبّاسی قاصردور دلیم ایلسین تعریف
قورخوم بودور تعریفیده ایلیم تضعیف
دیدارینه گتدی حسین منزله تشریف
آغوشه آلدی باشلانوب مدحت عبّاس
.
.
آچدی گوزین عینُ اللهه اولدی نظّاره
شهده نگاهین سالدی بیر تازه سرداره
آخدی حسینون گوزیاشی باخدی قولّاره
بیر گون منه سویلوب اولار نصرت عبّاس
.
.
گون قورتاروب ایل آی گیچوب اولدی عاشورا
عبّاس حسینی گوردی چون بیکس و تنها
گلدی حضوریندن آلا رخصت دعوا
سویلوب شها قلبینده وار حسرت عبّاس
.
.
ای دستگاه خلقته آبرو قارداش
ماذون قیل تا ایلیوم اخذ سو قارداش
کرب و بلانی دولدورا گر عدو قارداش
اولماز بولورسن ذرّه جه وحشت عبّاس
.
.
بو پنجه بو بازو بو قول گور اولا منده
قیزلار سارالسون گل کیمی غملی گلشنده
سو اولماسا نه ارزشی باش قالا تنده
سقّا آدیله واردی چون شهرت عبّاس
.
.
عیدی امینی ماتمه ایلمه تبدیل
شعبان یتور گوردون اودور ایلدون تعجیل
ویر رستگاره یازدیقون سوزلری تحویل
خوش صوتیله ایتسون ادا خدمت عبّاس
.
.
#عباسیه_میلادیه
#قویدی_قدم_بو_عالمه_حضرت_عباس
#ترکی
.
.
نظر دهید