زبدةالاشعار

قوی دیوم نلرمن مدینه دن تا مدینیه چکموشم آنا #عدلی_تبریزی

ورود به مدینه
زبانحال حضرت زینب علیها سلام
بر سر قبر مادر
.
✍️ زبدة الاشعار ✍️
.
🆔: @nohe_torki
.
حاج اصغر فرشچی (عدلی تبریزی)
.
قوی دیوم نلرمن مدینه دن
تا مدینیه چکموشم آنا
عفو ایله اگر روحون اینجیسه
شرح ایدم سنه غملی ماجرا
.
دور آنا بالا درد دل ایداخ
ظلم اشقیادن دیوم آنا
درد بی دوادن دیوم آنا
.
.
ترک ایدن زماندان مدینه نی
دوشدی دوریدن روزگاریمز
مکه ده قالاخ مانع اولدولار
امر ایدوب چخاخ، شهریاریمز
قویمادی قضا کوفیه گیداخ
کربلا اولوبدور دیاریمز
باغلادی سویون یولارون بیزه
اوردا ظلمیلن فرقۀ جفا
.
.
هر بلا گلوب باشیمه دئدیم
من بلی بلای زمانیه
چوخ دؤیولموشم چوخ یورولموشام
دوزموشم غمِ تازیانیه
چکموشم مصیبت نقدری من
منشأیی چاتار ظلم ثانیه
ظلمولن قاپون یانماسیدی گر
زینبونده گورمزدی کربلا
.
.
اکبر جواندان دیوم آنا
کوفیان سالوب اوزگه حالته
گتدیلر عبا ایچره پیکرین
یوز ویروب مِحَن آل عصمته
بیر عزا دوتولدی خیامیده
آخدی اشک غم بو مصیبته
گورسه جان ویرور اوغلونی او دم
صبر ایدر دوزر هانسی بیر آتا
.
.
قارداشیم ابوالفضلی ظلمیلن
قوللارین سالوبلار اولوب قلم
هر گلن ویروب هر گیدن ویروب
طاقت اولمیوب ساخلاسین علم
گون گوروب خسوف ایلدی قمر
اگدی قدینی بار غم اَلَم
یاره لر کیچوتموشدی جسمینی
وار یری اونا عالَم آغلاسا
.
.
اولمادی رباب سینه سینده سود
قالدی اوچ گجه اصغری سوسوز
عاشر محرمده اهل کین
هر جفاسینی ایلدی بِروز
اوخلادی سوسوز سود امر اوشاق
سالدی جانیمه درد و آه و سوز
ایندیده آناسی ملر دیر
تشنه جانویرن اصغریم بالا
.
.
ساربانه ال ویردی آچمادی
بیعته الین تاج داریمز
عهدینه وفا ایتدی قارداشیم
اولدی دین حق جان نثاریمز
غارته الین آچدی کوفیان
یاندی خیمه ده هرنه واریمز
قویمادیم جسارت ایده عدو
اهل بیتیدن معجرین آلا
.
.
شاهدان قانی گلشن ایلدی
کربلا اولوب لاله زاریمز
باغلادی عدوقول قولا بیزی
شامه یوللاناندا قطاریمز
سالدیلاریولی قتلگاهیدن
عرشه قوزانوب آه و زاریمز
هرگل اوسته بیرگل ایدوب نوا
گلدی لرزیه ارض وهم سما
.
.
خارجی آدی قویدولار بیزه
اولمادی بیری شرمساریمز
آچدیلار شماتت دلین آنا
یوللار اوسته هر رهگذاریمز
آغلادوب نقدری یورولموشوخ
نوک نی ده کی شیرخواریمز
آفتاب دین نورونی سالوب
اولدی زینبه چولده رهنما
.
.
کوفه مِحنتی قورتولان دگول
اوردا اولموشام حالی تلخکام
لیک شدت ظلمودن دیسم
من گرک دیم شام و شام وشام
صبحدن دولاندور دولار آنا
گون باتان زمانی اولوب تمام
بیرخرابه یر اولدی مسکنیم
تازه لندی غم درد و ابتلا
.
.
اوردا جان ویروردی رقیه سی
گلدی گورماقا شاه تاج دار
قویدی لبلرین قانلی لبلره
گوردی گل چکوبدی جفای خار
وای بابا دئدی یومدی گوزلرین
دفن اولوب قالا اوردا یادگار
کربلانی مسکن ایدوب حسین
زینبون گرک شامیده یاتا
.
.
بومدینه نین نوحه سین یازوب
«عدلی»ساخلیوب الده بیرگواه
اونداکی گلر محشره غمین
اشکبارودلده فغان وآه
چوخ چتین زمان دورآنا اودم
چشم مهریلن ایله سن نگاه
اول نگاهیوه عفوایدرخدا
دوزخین یولی باغلانار اونا
.
#سبک_ساخلا_ناقه_می_کاروانیدن (بیش از 8 سبک زنجیر و سینه زنی)
.
.
#ورود_مدینه
#قوی_دیوم_نلر_من_مدینه_دن
#عدلی_تبریزی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  گوزآچدی گلدی امام صادق بوگونده دنیایه #17ربیع_عدلی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی