«شام غریبان»
استغاثه به بارگاه امام عصر (( عج ))
.
✍️ زبدة الاشعار ✍️
?: @nohe_torki
.
محمد علی مصیبی تبریزی
.
قیامتین گونوزی دوندی شامه یابن الحسن
اولان اولوبدی امام هُمامه یابن الحسن
.
قیامتی که کتاب خداده وصف اولونوب
گوروندی یوم بلا خاص وعامه یابن الحسن
.
محرّمین اونونون شامی پردۀ عرشه
یازیلدی قانیله لیلُ القیامه یابن الحسن
.
آخوبلا کرب وبلا برجی نین ستاره لری
یئر اوستونه هامی بیر اتهامه یابن الحسن
.
کی اگدیلر باش اولار ختم الانبیا سۆزینه
اولا پیام ولایت اقامه یابن الحسن
.
اسور نسیم صبا گهگُدار دشت غمه
گلن شمیم بلادور مشامه یابن الحسن
.
دوشوب خسوفه مه تابناک کرب وبلا
دونوب بلا چولی لیل ظلامه یابن الحسن
.
منای غمده صولان پاره پاره گوللره باخ
خزان سویوبدی گول اگنینده جامه یابن الحسن
.
اولوبلا دام بلا صیدی آهوان حرم
نه صیدیلر کی وورار طعنه دامه یابن الحسن
.
فضای دشت بلا بی غباریدور بو گئجه
چاتوبلا کوفه و شام اهلی کامه یابن الحسن
.
فراتین آخماقینین صوتی قلبی یاندیریری
حرام اولوب بو سو بیت الانامه یابن الحسن
.
سیوف ، خون ولایتدن اولدیلار سیراب
غلاف اولوبدیلا بیر بیر نیامه یابن الحسن
.
قناریلر قفس غمده خواب خوفه گئدوب
دوشوبله بس مُحَن و ازدحامه یابن الحسن
.
چادرلاری یانوب اوتدا یانان ئورکلری تک
باخ اود دوتوب آلیشان بیر خیامه یابن الحسن
.
بلالی قیزلارا اولموش انیس گوزیاشلار
چاتوللا گوزیاشیلان انسجامه یابن الحسن
.
پیمبرین گولی خار و خسین الینده قالوب
یتر هله بو جفالر دوامه یابن الحسن
.
نه قویدیلار او یارالی بدنده باش قالسون
نه قویدیلار قالا بیر تکّه جامه یابن الحسن
.
جدا باشینده تلألو ائدور مه علوی
گئدور تنوریده چاتسون مرامه یابن الحسن
.
نه کوللر اوسته کی تشت بلا ایچینده یاتار
بو ظلمیلر تاپاجاقدور ادامه یابن الحسن
.
او چولده آتلی پیاده یاتان حیاسیزلار
همان حسینه یازانلاردی نامه یابن الحسن
.
پوزوبلا گلشن عشقی یاتوبلار آسوده
گئدن گئدوب چاتا پول ومقامه یابن الحسن
.
باشین کسن یاتوب امّا اویاقدی ال کسنی
کمین ِ شاهیده یاتمیش کُنامه یابن الحسن
.
وئروبله جان ، علی اولادی یتمه میش کامه
ولی یتوب طلقازاده کامه یابن الحسن
.
شهید ائدوبله بو قوم اکبر نبی مَثلی
آناسی صبری یتوبدور تمامه یابن الحسن
.
خضاب اولوبدی او صحراده قاسمین قانی
نه طوی گوروب نه یتوبدی مرامه یابن الحسن
.
الینده شاه ولا اصغری سوسوز گتوروب
ائدوب برابر او قوم لئامه یابن الحسن!
.
سو ایستیوب شه دین اصغره ولی پاسخ؛
سه شعبه اوخلا وئروبلر امامه یابن الحسن
.
سالوبلا قوللارینی تا عمون ابوالفضلین
چاتوب مَلکدن اوجا بیر مقامه یابن الحسن
.
دوشوبدی جدون حسین توپراق اوسته سینه یارا
یاراسی یتمیه جاق التیامه یابن الحسن
.
کناره چک یوزون اوستن نقابی اول ظاهر
گل ایله عدل و ودادی اقامه یابن الحسن
.
اگر چه ظاهر اولارسان او کعبه بامیندن
ئوزون یتور ولی ششگوشه بامه یابن الحسن
.
گوزتلوری یولیوی شهریار تشنه لبان
بلا چولونده ال آچ انتقامه یابن الحسن
.
قلم الینده « مُصَیـّب» قالوب گوزی یولدا
عنایت ایله بو عاصی غلامه یابن الحسن
.
#شام_غریبان
#مهدیه_محرم
#قیامتین_گونوزی_دوندی_شامه_یابن_الحسن
#مصیبی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید