كیمدی زهرا دخت طاها جبرئیل دربانیدی #فاطمیه_عدلی_تبریزی

مدح حضرت زهرا علیها سلام
.
.
.
حاج اصغر فرشچی ( #عدلی_تبریزی )
.
كیمدی زهرا دخت طاها جبرئیل دربانیدی
جنّت و فردوس و طوبی سایه احسانیدی
.
عصمت الله اُمّ بابا غیرت الله همسری
هم رسالت چرخنون بیر نیرتابانیدی
.
كیمدی زهرا مادرثارالله و سلطان عشق
قائم قرآن و دین اوغلی حسینون قانیدی
.
كیمدی زهرا رمز خلقت علم الاسما بحرحلم
علت ایجاد عالم خالقی یزدانیدی
.
گوهردریای عفت معدن جود وكرم
خانه دارخانه وحی دین حق برهانیدی
.
مظهر لطف و صفا پیغمبرین دردانه سی
شانینه كوثر گلوبدور سوره قرآنیدی
.
مادرسادات عالم افتخار انبیا
مجمع اهل كسانون علت ایقانیدی
.
سال حروف ابجده اسم آتا هم شوهرین
جمع اولا گر بیر یره عالم اونون حیرانیدی
.
اون بیر اولدوز زینب و كلثومه محبوبه آنا
علم و دانش اُلكه سینده بیر یم عرفانیدی
.
كیمدی زهرا امر ایدر محشرده خلاق رحیم
بانوی یوم الْجزادی منشاء غفرانیدی
.
كیمدی زهرا هیچ یوزون خندان اولاندا گورمدی
بعدِ پیغمبر علی چون مثل گل خندانیدی
.
كیمدی زهرا جور دشمندن بیر آن دینجلمدی
جنّ و انس و عالم امكان هامی گریانیدی
.
حاملیدی محسنه سقط اولدی جور و ظلمدن
اودویراندا باب وحیه ثانیدن نالانیدی
.
كیمدی زهرا نصف شب دفن اولدی گوزلردن اوزاق
ایسته موشدی چون اوزی دللر اونون سوزانیدی
.
كیمدی زهرا مطبخ خولیده گلدی دل غمین
دوتماقا شام غریبان اوغلونا گریانیدی
.
گر باخا چشم شفاعت بینیلن روزجزا
«عدلیه» شامل اولار فضلی خدا رحمانیدی
.
.
#فاطمیه_مدح
#كیمدی_زهرا_دخت_طاها_جبرئیل_دربانیدی
#ترکی
.
✍️ #زبدةالاشعار ✍️
.
🆔: @nohe_torki