تولد امام صادق (ع)
.
✍️ #زبدةالاشعار ✍️
.
🆔: @nohe_torki
.
#سبک با صدای حاج اصغر فرشچی تبریزی
.
حاج اصغر فرشچی ( عدلی تبریزی)
.
لطف حقّیدن خزان اولدی چون بهار
آچدی بیرگل ایلدی کونی لاله زار
.
گللنوب بو گون گلشن بتول
شادمان اولوب حضرت رسول
آفتاب زهرا گوزون آچوب
جهل اولدوزی ایلیوب افول
.
گلدی مکتب عشق ودین آچا
گلشن رسالت تاپا صفا
.
.
.
امّ فروه دن گلوب باقره بالا
تا امام اولا آچا مکتب وفا
.
هریرعلمیدن چشمه ساراولا
مسلمینه خوش روزگار اولا
عالمان دین تربیت ویره
شیعه مکتبی پایدار اولا
گلدی مکتب عشق ودین آچا
گلشن رسالت تاپا صفا
.
.
.
.
ملک دینه اولماقا پایه دورگلوب
فلک علمه آفتاب سایه دور گلوب
.
کونه بو ویررقدر و اعتبار
مکتبی قالارحشره پایدار
مسلمین حق بین و دین شناس
شیعه نین یولون آختارارتاپار
گلدی مکتب عشق ودین آچا
گلشن رسالت تاپا صفا
.
.
.
.
محترم سایون بوگون جشن اعظمی
هم امام و هم رسول نسل آدمی
.
طبل شادی ویر اولما بیقرار
گول آچوب گلستان اولوب بهار
نورچشم زهرادی بو امام
مثلنی گورنمز بو روزگار
گلدی مکتب عشق ودین آچا
گلشن رسالت تاپا صفا
.
.
.
آسمان دینون ای ماه انوری
رایج ایلیین حق و فقه جعفری
.
نار عشقیوه «عدلی» دوریانار
یثربی گوره گونلری سایار
دست خطوی یادینه سالار
مدح و نوحه وی روزو شب یازار
گلدی مکتب عشق ودین آچا
گلشن رسالت تاپا صفا
.
.
.
#17ربیع_عدلی_تبریزی
#لطف_حقیدن_خزان_اولدی_چون_بهار
#صادقیه
#ترکی
.
✍️ #زبدةالاشعار ✍️
.
🆔: @nohe_torki
نظر دهید