زبدةالاشعار

لطف خدای اکبر گلوب جهانه اصغر #اصغریه_عدلی_تبریزی

درتوّلدحضرت علی اصغر (ع)
لالائی گفتن حضرت رباب (س)
.
.
.
.
حاج اصغرفرشچی(عدلی تبریزی)
.
.
#سبک_محرم_رازیم_الله
.
.
لطف خدای اکبر
گلوب جهانه اصغر
غنچه گولوم گوزآچدی
اولماقا دینه پرپر
هنگ عشقه خردا جا سر باز اولانیم
آلتی آی صورا قرآنا جانباز اولانیم
قوخما یوخدی اوخ آتان یات
قیدیوه وارچوخ قالان یات
اصغریم یات * گوهریم یات
.
.
.
.
گهواره وه سالارام
لایلایوی چالارام
یرون راحت اولماسا
قوجا قیمه آلارام
دردیوی اوغول سن دیمسن من بولرم
بیرگونوم اگرسنسیز اولا من اولرم
صبح اولونجان یاتمارم من
سینم اوسته یاتماسان سن
اصغریم یات* گوهریم یات
.
.
.
.
جان عزیز مادر
عرش خدایه زیور
سـینمه اللرون سال
مشکل آچار بواللر
ایندیدن سنون اللریوی باغلامارام
سینمی گزور واردی صودوم آغلامارم
ام صودون آج یاتما اصغر
قوت جا ندور شیر مادر
اصغریم یات * گوهریم یات
.
.
.
.
.
گلشنده چوخ گول آچار
سوسن و سنبل آچار
هر ننه نین اوشاقی
بُیور دونر دل آچار
من اوغول سنون دل آچماقون گورنمرم
اَم صودومدن آجلوقووا دوزنمرم
یوم گوزون یات سالما درده
کربلا نی آل نظرده
اصغریم یات *گوهریم یات
.
.
.
.
.
یوسف کنعان سن
سرو گلستان سن
سن بو ربابه علی
حیف اولا مهمان سن
من آنان کیمی واردی باشوندا ماجرا
حیف اولا دولار ظلمیله قونداقون قانا
اوخ آتار سنه حرمله بالا
یر گویه سالار ولوله بالا
اصغریم یات* گوهریم یات
.
.
.
.
.
گویده گونوز آی اولماز
اصغریمه تای اولماز
آلله سنی پای ویروب
سنکیمی بیر پای اولماز
سن سُها کیمی بیرگون اولارکه آخاسان
حلقیدن آخان قانی عذاره یاخاسان
شه ال اوسته جان ویرر سن
دین حقه قان ویرر سن
اصغریم یات* گوهریم یات
.
.
.
.
واردی چوخ امتیازون
سنسن شه حجازون
اللری اوسته اوغول
پارچالانی بـوغازون
بیرباخوب گولوب صوندا یومارسان گوزوی
کاش او لحظه ده دیه بولیدون سوزوی
نی کیمی آنان نالیه گلر
هر گجه گونوز آهو تک ملر
اصغریم یات * گوهریم یات
.
.
.
.
(عدلیده) یوخ خیر عمل
سندن اوغول چکمز ال
سسلسه داده سنی
حشریـده فریاده گل
چوخ گناهی وار عمرونی ایلیوب خطا
ایت شفاعت رحم ایده عفو ایده خدا
کج گیدوب گریول آزوبدی
مدح و نوحه چوخ یازوبدی
اصغریم یات * گوهریم یات
.
.
.
.
#اصغریه_میلادیه
#لطف_خدای_اکبر_گلوب_جهانه_اصغر
#عدلی_تبریزی
#ترکی #زبدةالاشعار
.
.

متن پیشنهادی:  عصر وقتیدی غروبه یتدی خورشید حیا #فاطمیه_جوانی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی