در مدح و شجاعت و شهادت حضرت علی اکبر علیه السلام
–
✍️زبدة الاشعار✍️
?: @nohe_torki
–
محمد وهابزاده (عیّار)
.
لقای یاره چاتان مست عشق و عرفاندی
بو یولدا قویسا قدم کیم مطیع یزداندی
.
طریق حقده کمالاته کیم مُحصّلدور
وجودی یکسره درگیر علم و ایماندی
.
کیم اولسا طالب عُقبا گرک ولایی اولا
ولایته تبعیت ده نصّ قرآندی
.
علیدی ایلدی دنیانی اوچ طلاقه یقین
که شافعِ همۀ شیعیان گریاندی
.
بلی، معلم آزادگی و عشق و جنون
فقط حسیندی حسین تک شهید عطشاندی
.
حسین مدرسه سینده کیم اولسا درس آموز
باشیندا حتماً همیشه ،همیشه طوفاندی
.
محرم آیلاری طوفان شور و عشقه دونر
ای عاشقان بو کلاسین قبولی سی قاندی
.
بو مکتبین واری شاگرد بی نظیر و مثال
اَذاندا رتبه سی اوّل فقیه میداندی
.
جواندی احمد مختاره بنذیور خُلقی
شهید اوّل بیت امام مستاندی
.
آدی علیدی علی اکبرِ خانم لیلا
وجودی دشت جنون ایچره اکبر اِستاندی
.
بو مکتب و بئله استاد و اکبره احسن
شهادت عشقی وجوینده گور نه جوشاندی
.
بو عشق جوششین اکبرچی دن آلوب اکبر
طریق عشقه شهادت شگرد خوباندی
.
بیلوبدی نهضت خونین فدایی سیز اولماز
بو یولدا عشق و شهادت همیشه برهاندی
.
یتیشدی محضر لیلاده قاتدادی دیزینی
ادب همیشه بو ائوده گوزل بیر عنواندی
.
دئدی آنا منم اکبر حسینه دُردانه
ولی بو لحظه ده اکبر حسینه قرباندی
.
اگر رضایتون اولسا فدای دین اولارام
باشون اوجالماقا اکبر غیور گُرداندی
.
او دم نه کئچدی خیمده فقط بیلور الله
دیولَّه قلب رقیه بو هجریدن یاندی
.
دوتوبدی ساچلارین الده دعای خیر ائلیه
دعاده گوزلری باران ابر نیساندی
.
کنار اولوبدی خیمدن مجاهد نستوه
بدنده ثقل حدیدی الینده قلخاندی
.
مینوب براقه مثَل اسبِ بادپیمانی
اننده تلی گوروب عرصه گاه الواندی
.
.
سپاهه باخدی دئدی اکبرم من اکبر تک
واروزدی مرحب اگر حاضرم من حیدر تک
.
من اکبرم علی اصغر سوسوزدی مخیمده
ئوزومده تشنۀ وصلم اوچام کبوتر تک
.
طریق آل علیدور ستیز با خفقان
اودور که جنگه گلوب اوغلی تیز خنجر تک
.
وجودیمیزده نه وار ترس و وحشت و تردید
گرکدی تیغ اولا ما بینیمیزده داور تک
.
سالوبدی اکبری دشمن بیر آز وَراندازه
بیری دئدی گورورم جنگی جنگ خیبر تک
.
علیده ایلدی تحلیل دشمنین قشونین
دیدی سیزی گورورم روبهان کمتر تک
.
باخون صلابتیمه، هیبت و شهامتیمه
قیاس ائدون نوه سین جدینه برابر تک
.
علی شجاعتی ،حلم حسن ، وقار عمو
وجودیمه یغیشوب اولموشام پیمبر تک
.
قویوبدی خطبه نی ناقص او بی ادب لشکر
یریش گوتوردی سپاه شریر صرصر تک
.
شروع ائدوبله بو رزم آوریله پیکاری
گوروبله یوخدی نتیجه بو افسره تک تک
.
سالوبلا حلقی تک شیر شرزۀ جدلی
دوتوبدی عرصه نی گرد و غبار آذر تک
.
حیا بو بیتی منه مانع ائتدی سوز آچیلا
قلمده طفره گئدور یازماقیندا جوهر تک
.
نه اولدی اوردا رجوعیم یوخ ای حسینی لر
بولوبله گل بدنین اولدوز اولدوز اختر تک
.
چکوبله کاکلینی قان ترابه نشر اولدی
آچوب دمیر زرهین نوکِ نیزه نشتر تک
.
سوکوبله گل یاخاسین اللّی مین عدوالله
سوروبله مغربه خورشیدی خسرو خاور تک
.
ز بعدِ حضرت سقا امیدِ اهل حرم
حسین قلبینه داغی اوتوردی منبر تک
.
یتیشدیلر باشی اوسته مسلح و خونخوار
قلیجلارین اوجی یازدی بو جسمی دفتر تک
.
نه راضی اولمادیلار نیزه خنجرین گوجینه
اودور کی داشلارا جسمی اولوبدی بستر تک
.
او حال مضطریلن سسلدی حسین تز گل
عبا گتور کی بدن پخش اولوبدی گوهر تک
.
#اکبریه_اکبریه_شجاعت
#اکبریه_شهادت
#لقای_یاره_چاتان_مست_عشق_و_عرفاندی
#محمد_وهابزاده
#ترکی
.
✍️ #زبدةالاشعار ✍️
?: @nohe_torki
نظر دهید