شب قدر
دکلمه
.
✍️ زبدة الاشعار ✍️
.
🆔: @nohe_torki
.
ابراهیم محمد نژاد
.
لیلةالقدردی یاران، شب افغان و بکادی
شب رحمت، شب غفران، شب احسان و عطادی
بو گجه وقت دعادی
.
عرشیدن یر یوزینه جمله ملائک اولی نازل
خالقین امرینه حامل
.
بزم وصله ائده لر تا هامی یئر اهلینی دعوت
وئره لر خلقه بشارت،آچیلوب باب کرامت
اسیری پرچم رحمت
.
.
اویانون یاتمیون ای بنده لریم بو گئجه غافل
ائتمیشم عزم ئورک لردن ائدم غملری زائل
.
.
آچیلا ال ایاقیزدان بو گئجه جمله سلاسل
اولاسیز لطفیمه شامل
.
آچمیشام خوان کرم تا ائلیم سیزلری مهمان
شیشۀ قلبی سیلون تا اولاسیز لایق احسان
چاغیرور سیزلری سلطان،
خالق عالم امکان
.
هر کیم ایستور اولا واصل حق داداره،
او گلسون
تیر شیطاندا کیمون قلبی اولوب یاره،
او گلسون
محضر یاره او گلسون
کوی دلداره او گلسون
.
من سنیق قلبیلرون صاحبی غفّار و رحیمم
هامی بیچاره لرون چاره سیَم حیّ قدیمم
من خداوند کریمم
.
غافر الذّنب منم،
عفو ائدرم جمله گناهی
چشم گریانیله هر کیم دیه العفو الهی
کیم اورکدن چکه آهی،
او کسین حقدی پناهی
.
.
ایستدیم تا که دوتا عالمی انوار هدایت
باشیسیزه تا که سالام سایۀ مخصوص عنایت،
اوجالا نور ولایت،
تا جهانه بولونه وار نقدر عزّت و قدری
علی آدیله مزیّن ائلدیم لیلۀ قدری
.
.
هامی بیلسون که علی مظهر انوار هدادی
آدی مشتقدی اوز آدیمدن اودی درده دوادی
انس و جن سَروَریدی پادشه ارض و سمادی
بو علی شیر خدادی
.
ائلدیم لطفیمی کامل سیزه رهبر یاراداندا
هامی دل اهلینه حیدر کیمی دلبر یاراداندا
احمدین کوثرینه ساقی کوثر یاراداندا
باغ اسلامه علی تک گل بی خار یاراتدیم
جوشه گلدی کرمیم حیدر کرّار یاراتدیم
.
من اونی خلق ائلدیم مظهر ایثار و شهامت،
من اونی خلق ائلدیم تا اولا مُحیی عدالت،
تا ائده عدلی خجالت
.
عدل حیدر سبب اولدی که علی قانه بویانسون
فُزتُ صوتین اوجادوب تا که یاتان خلق اویانسون
.
ای منیم عبد گنهکاریم اینان من سَنونَم گل
آچمیشام باب کرم اوزگیه تا آچمیاسان ال
.
نار عصیان و خطا ایچره ندن بیله یانورسان،
نیه حیران دولانورسان،
من سنون خالقیوم، سن که منی یاخشی تانورسان،
نیه مندن اوتانوسرسان
.
ایستوسن گر دیه سن سوزلریوی حیّ ودوده،
معنی کل وجوده،
قوی یوزون خاک سجوده
.
سجده حالینده منی سسله ائله گوز یاشی جاری،
مندن ایسته قالان عمرینده گوزل ایشلره یاری،
بیر بیله ایلمه زاری،
قلبیوون منده قراری
.
.
قلمی قوی یره صبر ایله بیر آز فکر ایله #مشتاق
گورموسن نالۀ العفو چکیب آغلوری عُشّاق
.
گل قوشول اهل دله سنده بیر آز آه و نوا ائت،
بو گجه سنده دعا ائت،
.
شکر خلّاق ایله شعریوی گر ایلدون انشاء
ایسته تا قادر سبحان اؤزی ائتسون سنه امداد
ائله سین جهلیدن آزاد
.
شکردن اؤزگه سوزی قویما بو دمده دیله گلسون
تا رضای حق دادار توانا اله گلسین
.
دئ رضای حقی مین جنة الاعلایه دگرمیش
دوغروسی بو گجه نین ارزشی مین آیه دگرمیش
.
.
.
#رمضانیه
#حیدریه_مدح #حیدریه
#دکلمه
#لیلة_القدردی_یاران
#شب_قدر #ابراهیم_محمد_نژاد
#ترکی
.
✍️ #زبدةالاشعار ✍️
.
🆔: @nohe_torki
نظر دهید