لیلی دوشنده تازه جوانین خیالینه #راه_شام_منصور_تبریزی

راه شام
زبانحال حضرت لیلا سلام الله علیها
.
✍️ زبدة الاشعار ✍️
.
🆔: @nohe_torki
.
مرحوم منصور تبریزی
.
لیلی دوشنده تازه جوانین خیالینه
حسرتله باخدی نیزه ده اکبر جمالینه
.
دولدوردی اشک چشم فراقیله گوزلرین
آندوردی مایلم علی اکبر وصالینه
.
چون اهل حالیدی علی اکبر او حالیده
بی اختیار ایلدی حالی او حالینه
.
بیر باخماقیله کشف ایلدی شرح حالینی
باخ اوغلونا آنا ایلین خوش مقالینه
.
ای لیلینی بو دشتیده مجنون ایلین
قول باغلی باش آچوخ گتورن تیز زوالینه
.
گور بیر نه نوعی شمره اسیر اولموشم اوغول
لطفیله باخ بو درد و بلا پایمالینه
.
تازه جوانلارا آنالار ایلر افتخار
من سن کیمی جوانین اسیرم ملالینه
.
دشمن منیم بو حالیمه افسوس ایدر علی
سویله لّه آفرین اولا شیر حلالینه
.
بیر بیله ماه پاره گل اوزلی جوانی وار
اولماز حریف کیمسنه جاه و جلالینه
.
گور حقّی وار آنان گجه گوندوز اوغول دیوب
قان آغلیا بو درد و غم اتّصالینه
.
آگاه اولمیانلار ایدر سرزنش منه
باخ نیزه دن بو دربدرین انفعالینه
.
باشون جدا باشندا گورن حیف اولا دیر
قانه باتان بو هاشمی خوش خطّ خالینه
.
ازبسکه محو صورتیوم یوخدی طاقتیم
دشمنلرین بو غملی جواب و سوالینه
.
شهرُ الحرامیده سنی اُلدوردولر سوسوز
شاهددی کفریده بو گروهین کمالینه
.
باشون دالنجا باشی آچوخ سیره چخموشام
چوخ شایقم بو سیر و سلوکین مَآلینه
.
ناحق توکوبدی قانینی الحق پیمبرین
اقدام ایدن بو تازه جوانین جدالینه
.
«منصور» عشق علی اکبریله بی قرار اولوب
بی اختیار اذن ویروب اشک آلینه
.
.
#راه_شام_منصور_تبریزی
#لیلی_دوشنده_تازه_جوانین_خیالینه
#ترکی
.
✍️ #زبدةالاشعار ✍️
.
🆔: @nohe_torki