زبدةالاشعار

لیک او خاتونه ویروللر نسبتین #حضرت_ام_البنین_شهاب_تبریزی

زبانحال حضرت ام البنین سلام الله علیها
.
✍️ زبدة الاشعار ✍️
.
🆔: @nohe_torki
.
مرحوم #شهاب_تبریزی
.
لیک او خاتونه ویروللر نسبتین
بو نچه اشعار درد و محنتین
.
اوغلونا گویا بو عنوانه قریب
نوحه ایلردی او زار غم نصیب
.
وار دیردی کربلادن ببر خبر
قلبیمی اودلار صحیح اولسا اگر
.
نقل ایدولر وای منه قوم ظلم
اوغلومون قولارین ایلوبلر قلم
.
قانیلن الوان ایدوبلر گوز قاشین
سندروبلر بیر عمودیلن باشین
.
وار یری گلسم ئولنجه شیونه
وای علمدار اوغلوما ایوای منه
.
سن اوغول دعوا گونی بیر شیریدون
چوخ رشادتنمد با تدبیریدون
.
سن امان ویرمزدون اصلا دشمنه
دشمن ال تاپسون یاخون دوشسون سنه
.
بس الوندن تیغیوی آلمشدیلار
قولارون ازل یقین سالمشدیلار
.
یوخسا اولسیدی الون سالم سنون
ایلنمزدی او ظلمی دشمنون
.
اولمادیم کربلاده من اوغول
نعشون اوسته ایلیم شیون اوغول
.
جان ویرونجه من سنی یاد ایلرم
اوخشارام قان آغلارام داد ایلرم
.
گه گورنده یثربون عورتلرین
دولدوروردی اشگله چشم ترین
.
تاپشوروردی سیز منه بوندان صورا
ایتمیون ام البنین بیرده ندا
.
دورت رشید اوغلوم ئولوب دل داغلیام
تا حیاتیم وار گرک من قان آغلیام
.
سولدوروبلا کوفیان گلزاریمی
ئولدوربلر تشنه اوغلانلاریمی
.
باشیمی من ایمدی قاره سالمشام
آغلارام یانام اوغلسوز قالموشام
.
حضرت عباسه دنیاده نشان
بیر بالا قالمشدی چوخ شیرین زبان
.
چرخ حسنه بیر ایشقلی ماهیدی
بش یاشندا آدی عبداللهیدی
.
قامتا بیر سرو دل آرامیدی
چوخ خانم ام البنینه رامیدی
.
بو خانم باخدوقجا اول غنچه گله
اشگین ایلردی روان بی فاصله
.
اوغلی عباسون قد شمشادینی
یاد ایدوب هم ذکر ایدردی آدینی
.
چوخ گونون شهزاده عبداللهلن
آخشام ایلردی بقیعده آهیلن
.
یرده دورت قبرین ایدوب شکلین بنا
هر برین نسبت ویروب بیر اوغلونا
.
ایله اوخشاردی او رنجور الم
هر گچن آغلاردی ساخلاردی قدم
.
بیر گونی مروان او بی رحم شرور
ایلیوردی مرکب اوستنده عبور
.
گوردی بیر ناله گلور آرام آلور
بس موثردی دله آتش سالور
.
مرکبین چکدی لجامین هولیدن
سویلدی کیمدور بیله ناله ایدن؟
.
قلبیمی درده گتوردی ناله سی
سنگ خارایه موثردور سسی
.
اوز غلامی ویردی اول شومه جواب
مادر عباسدور بو دلکباب
.
اول شقاوتلن او شوم کین شعار
آغلادی یاندی، دئدی چوخ حقی وار
.
گرچه بو عورت جهانی داغلیوب
جان ویرنجه آغلاسا آز آغلیوب
.
.
#حضرت_ام_البنین
#لیک_او_خاتونه_ویروللر_نسبتین
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  بیرده على مشکل گورر دنیای هستی #حیدریه_خوندل_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی